ಈಶಾನ್ಯ ಭಾರತದ ಜನರಲ್ಲಿ ಪರಕೀಯತೆಯ ಭಾವನೆ ಇದೆಯೇ ಮತ್ತು ಇದ್ದದ್ದೇ ಆದರೆ ಅದಕ್ಕೆ ಕಾರಣವೇನು ಎಂಬ ಪ್ರಶ್ನೆಗೆ ಸದ್ಗುರುಗಳು ಉತ್ತರಿಸುತ್ತಾರೆ, ಮತ್ತು ಭಾರತದ ಈ ಭಾಗದಲ್ಲಿ ಸ್ವಾತಂತ್ರ್ಯಾನಂತರದ ಅಭಿವೃದ್ಧಿಯ ಬಗ್ಗೆ ಸಂಕ್ಷಿಪ್ತವಾದ ಇತಿಹಾಸವನ್ನು ನೀಡುತ್ತಾರೆ.

ವಿರಾಟ್ ಕೊಹ್ಲಿ ಸರ್ವಶ್ರೇಷ್ಠ ಆಟಗಾರನಾಗಲು ಬೇಕಾದುದೇನು ಎಂದು ಸದ್ಗುರುಗಳು ವಿಶ್ಲೇಷಿಸುತ್ತಾರೆ. ಹಾಗೆಯೇ, ನಮ್ಮನ್ನು ಕಾರ್ಯಕ್ಕೆ ಉತ್ತೇಜಿಸಿಕೊಳ್ಳುವ ಎರಡು ರೀತಿಗಳ ಬಗ್ಗೆ ಮಾತನಾಡುತ್ತಾರೆ.

ಭಾರತದ ಬಲ ಮತ್ತು ನ್ಯೂನತೆಗಳು ಏನು ಎಂಬುದಕ್ಕೆ ಸದ್ಗುರುಗಳ ಅಮೋಘ ಉತ್ತರ.

ಸದ್ಗುರುಗಳು ಇಲ್ಲಿ ಖ್ಯಾತ ಚಲನಚಿತ್ರ ನಿರ್ದೇಶಕ ಶೇಖರ್ ಕಪೂರ್ ಅವರೊಂದಿಗೆ ಗುರು ಎಂದರೇನು, ಗುರುವಿನ ಅಗತ್ಯವೇನು, ಗುರುವಿನ ಬಗ್ಗೆ ಭಕ್ತಿ ಇರಬೇಕೇ ಇತ್ಯಾದಿ ವಿಷಯಗಳ ಬಗ್ಗೆ ಮಾತುಕತೆಯಾಡುತ್ತಾರೆ.

ಬಾಲಿವುಡ್ ನಟಿ ಮನೀಷಾ ಕೊ‍ಯಿರಾಲಾ ಅವರೊಂದಿಗಿನ ಈ ಮಾತುಕತೆಯಲ್ಲಿ ಸದ್ಗುರುಗಳು ಕ್ಯಾನ್ಸರ್ ನ ಮೂಲಕಾರಣವನ್ನು ಮನಮುಟ್ಟುವ ಉದಾಹರಣೆಗಳೊಂದಿಗೆ ವಿವರಿಸುತ್ತಾರೆ, ಹಾಗೂ ಅದನ್ನು ತಡೆಗಟ್ಟಲು ಸರಳ ಉಪಾಯಗಳನ್ನು ತಿಳಿಸುತ್ತಾರೆ.

ನಟಿ, ನಿರ್ಮಾಪಕಿ ಮತ್ತು ಮಾಜಿ ಮಿಸ್ ಇಂಡಿಯಾ ಆಗಿರುವ ಜೂಹಿ ಚಾವ್ಲಾ ಅವರು ಸದ್ಗುರುಗಳೊಂದಿಗೆ 'ಪ್ರೀತಿ ನಿಜಕ್ಕೂ ಏನು?' ಎನ್ನುವುದರ ಕುರಿತು ಸೊಗಸಾದ ಹಾಗೂ ಒಳನೋಟಗಳುಳ್ಳ ಚರ್ಚೆಯನ್ನು ನಡೆಸುತ್ತಾರೆ. ಸದ್ಗುರುಗಳು ಪ್ರೀತಿ ಮತ್ತು ಅದಕ್ಕೆ ಅಂಟಿಕೊಳ್ಳುವುದರ ಬಗ್ಗೆ ಇರುವ ಅನೇಕ ತಪ್ಪುಕಲ್ಪನೆಗಳನ್ನು ದೂರ ಮಾಡುತ್ತಾರೆ‌ ಹಾಗೂ ಎಲ್ಲರನ್ನು ಮತ್ತು ಎಲ್ಲವನ್ನು ಪ್ರೀತಿಸಲು ಪ್ರತಿಯೊಬ್ಬರಿಗೂ ಹೇಗೆ ಸಾಧ್ಯ ಎನ್ನುವುದನ್ನು ವಿವರಿಸುತ್ತಾರೆ. ಪ್ರೀತಿ ನಮ್ಮೊಳಗಿನ ಭಾವಗಳ ಮಾಧುರ್ಯ, ಅದು ಯಾರೋ ನಮಗೆ ಕೊಡುವ ಸಂಗತಿಯಲ್ಲ.‌ ಹಾಗಾಗಿ ಪ್ರೇಮಮಯಿಯಾಗಿರುವುದು ಅಥವಾ ಪ್ರೀತಿಸುವುದು ಸಂಪೂರ್ಣವಾಗಿ ನಮ್ಮ ಕೈಯ್ಯಲ್ಲಿದೆ ಎಂದು ತಿಳಿಸಿಕೊಡುತ್ತಾರೆ.

Karan Johar Rapid Fire Round with Sadhguru Coffee with Karan ಖ್ಯಾತಿಯ, ಹಾಗೂ ಅನೇಕ ಸಿನೆಮಾಗಳನ್ನು ನಿರ್ದೇಶಿಸಿದ ಮತ್ತು ನಿರ್ಮಿಸಿರುವ ಖ್ಯಾತಿಯ ಕರಣ್ ಜೋಹರ್ ಅವರು ತಮ್ಮ ಪ್ರಸಿದ್ಧ ‘ರ‍್ಯಾಪಿಡ್ ಫೈರ್ ರೌಂಡ್’ ಅನ್ನು ಸದ್ಗುರುಗಳ ಜೊತೆ ನಡೆಸುತ್ತಾರೆ. ಸದ್ಗುರುಗಳ ಚುಟುಕು ಉತ್ತರಗಳು ವಿಶ್ವ ಪ್ರಸಿದ್ಧವಾಗಿದ್ದು, ಇಂಗ್ಲೀಷ್ ನ ಈ ವಿಡಿಯೋಗೆ 1 ಕೋಟಿಗೂ ಅಧಿಕ ವೀಕ್ಷಣೆಗಳು ದೊರೆತಿವೆ. ಈಗ ಕನ್ನಡದಲ್ಲಿ, ನಿಮ್ಮ ಮುಂದೆ!

'ದೃಷ್ಟಿ ಬೀಳುತ್ತೆ’, ದೃಷ್ಟಿ ಬಿದ್ದರೆ ಹಾಗಾಗುತ್ತೆ ಹೀಗಾಗುತ್ತೆ ಅಂತ ಮನೆಯಲ್ಲಿ ಹಿರಿಯರಿದ್ದರೆ ಹೇಳಿದ್ದನ್ನು ಕೇಳಿರುತ್ತೀರಿ. "ದೃಷ್ಟಿ ತೆಗೆಯಬೇಕು" ಅಂತಲೂ ಅವರು ಹೇಳುತ್ತಿರುತ್ತಾರೆ. ಈ ’ದೃಷ್ಟಿ ಬೀಳುವುದು/ ತಾಕುವುದು" ಅಂದರೆ ಏನು? ಅದು ನಿಜವೇ? ಹಿರಿಯರು ‘ದೃಷ್ಟಿ ತೆಗೆಯುವ’ ಪ್ರಕ್ರಿಯೆ ಮಾಡಿದಾಗ ಅವರು ನಿಜಕ್ಕೂ ಏನನ್ನು ಮಾಡುತ್ತಿರುತ್ತಾರೆ? ಈ ಆಚರಣೆಗಳ ಹಿಂದೆ ನಿಜವಾದ ಕಾರಣವೇನಾದರೂ ಇದೆಯೇ, ಅಥವಾ ಕೇವಲ ಮೂಢನಂಬಿಕೆಯೇ? ಒಮ್ಮೆ ನಕಾರಾತ್ಮಕ ಶಕ್ತಿಗಳು ನಮ್ಮ ಮೇಲೆ ಪ್ರಭಾವ ಬೀರುವಂತಿದ್ದರೆ, ನಾವು ಅವುಗಳಿಗೆ ಈಡಾಗದಂತೆ ನಮ್ಮನ್ನು ನಾವು ನಿರ್ಮಿಸಿಕೊಳ್ಳುವುದು ಹೇಗೆ? ಕೇಳಿ ಸದ್ಗುರುಗಳ ಉತ್ತರವನ್ನು!

ನಾವು ಬದುಕಲ್ಲಿ ಏನೇ ಮಾಡಲು ಹೊರಟರೂ ಒಂದಲ್ಲಾ ಒಂದು ತೊಂದರೆ ಎದುರಾಗಬಹುದು. ಅವರಿವರು ನಮ್ಮ ದಾರಿಗೆ ಅಡ್ಡ ಬರಬಹುದು. ತೊಡರು ಹಾಕಬಹುದು. ನಮಗಿಷ್ಟವಿಲ್ಲದ ಮಾತುಗಳನ್ನಾಡಬಹುದು. ಆದರೆ ನೀವು ಮಾಡುತ್ತಿರುವ ಕೆಲಸ ಮಹತ್ವವಾದದ್ದೇ? ಹಾಗಿದ್ದರೆ, ಇವೆಲ್ಲವನ್ನೂ ಮೀರಿ ನೀವದನ್ನು ಸಾಧಿಸಬೇಕು! ಯಾರು ಏನೇ ಮಾಡಿದರೂ ನಿಮ್ಮೊಳಗೆ ನೀವು ಹೇಗೆ ಇರುತ್ತೀರಿ ಎಂಬುದು ಸಂಪೂರ್ಣವಾಗಿ ನಿಮಗೇ ಬಿಟ್ಟ ಆಯ್ಕೆ ತಾನೆ? ಜೀವನದ ಏರು ತಗ್ಗುಗಳಲ್ಲಿ, ವಿವಿಧ ಪರಿಸ್ಥಿತಿಗಳಲ್ಲಿ ನಮ್ಮನ್ನು ನಾವು ಹೇಗಿಟ್ಟುಕೊಳ್ಳುತ್ತೇವೆ ಎಂಬುದು ನಾವು ಏನು ಮಾಡುತ್ತೇವೆ ಎಂಬುದನ್ನು ನಿರ್ಧರಿಸುತ್ತವೆ. ಸದ್ಗುರುಗಳ ಈ ಅತ್ಯಂತ ಪ್ರೇರಣಾದಾಯಕ ಮಾತುಗಳನ್ನು ಸಂಪೂರ್ಣವಾಗಿ ಕೇಳಿ!

ರಾಮ ಸೀತೆಗೆ ಕೊಟ್ಟಿದ್ದು ಶಿಕ್ಷೆಯೇ? ಅದು ಪುರುಷರಿಗೆ ಒಳ್ಳೆಯ ಉದಾಹರಣೆ ಅಲ್ಲವೇ? ರಾಮ ನೀವಂದುಕೊಂಡಂತೆ ಅಲ್ಲ ಎನ್ನುತ್ತಾರೆ ಸದ್ಗುರು. ಏಕೆ? ವಿಡಿಯೋ ನೋಡಿ.

ಕ್ರಿಕೆಟಿಗ ಕೆ ಎಲ್ ರಾಹುಲ್ ಅವರೊಂದಿಗಿನ ಮಾತುಕತೆಯಲ್ಲಿ ಸದ್ಗುರುಗಳು ತಮ್ಮ ಬದುಕಿನ ಮುಂದಿನ 12 ವರ್ಷಗಳನ್ನು ಕಾವೇರಿಗೆ ಸಮರ್ಪಿಸಿರುವುದಾಗಿ ಹೇಳುತ್ತಾರೆ. ಹೆಚ್ಚಿನ ಮಾಹಿತಿಗಾಗಿ ಮತ್ತು ಅಭಿಯಾನದಲ್ಲಿ ಪಾಲ್ಗೊಳ್ಳಲು ಭೇಟಿ ನೀಡಿ - Kannada.CauveryCalling.org

ಜೀವವೇ ಅಸ್ತಿತ್ವದ ಅತ್ಯುಚ್ಛ ಅಭಿವ್ಯಕ್ತಿ. ಶಿಕ್ಷಣವನ್ನೂ ಸೇರಿಸಿ ಎಲ್ಲ ಸಾಮಾಜಿಕ ವ್ಯವಸ್ಥೆಗಳಿರುವುದು ಜೀವವನ್ನು ಬೆಂಬಲಿಸಲು. ಆದರೆ ಇಂದು ಪರಿಸ್ಥಿತಿ ತಲೆಕೆಳಗಾಗಿದೆ ಎಂದು ಸದ್ಗುರು ಸೂಚಿಸುತ್ತಾರೆ.

ಸಂತೋಷ ಅಥವಾ ಆನಂದದ ಬೆನ್ನುಹತ್ತಿ ಮನುಷ್ಯ ಜಗತ್ತಿನಲ್ಲಿ ಏನೇನನ್ನೋ ಮಾಡುತ್ತಿದ್ದಾನೆ. ಆದರೆ ಸಂತೋಷ ಇರುವುದು ಎಲ್ಲಿ? ಸದಾ ಸಂತೋಷದಲ್ಲಿರಲು ನಾವು ಏನು ಮಾಡಬೇಕು? ವಿಡಿಯೋ ನೋಡಿ.

ಪ್ರಸೂನ್ ಜೋಷಿಯವರ "ಜೀವಾತ್ಮ ದೇಹವನ್ನು ಯಾವಾಗ ಪ್ರವೇಶಿಸುತ್ತೆ?" ಎಂಬ ಪ್ರಶ್ನೆಗೆ ಸದ್ಗುರುಗಳ ಉತ್ತರ. #UnplugWithSadhguru

ಸಿನಿಮಾ ಅತ್ಯಂತ ಪ್ರಸಿದ್ಧ ದೃಶ್ಯ ಮಾಧ್ಯಮ. ಇದು ಎಷ್ಟು ಪರಿಣಾಮಕಾರಿ? ಇದರಿಂದ ಇರುವ ಪ್ರಯೋಜನಗಳೇನು ಮತ್ತು ಸರಿಯಾಗಿ ಬಳಸಿದಿದ್ದರೆ ಆಗುವ ಹಾನಿ ಏನು? ಕೇಳಿ ಈ ಕುತೂಹಲಕಾರಿ ಮಾತುಗಳನ್ನು.