Main Centers
International Centers
India
USA
Wisdom
FILTERS:
SORT BY:
നിങ്ങളുടെ ജീവിതം നിങ്ങളുടെ സ്വന്തം വ്യക്തതയാലും കഴിവിനാലും സംഭവിക്കട്ടെ, ആകസ്മികമായോ മറ്റുള്ളവരുടെ ദയയോ കരുണയാലോ അത് സംഭവിക്കാതിരിക്കട്ടെ.
ഒരു തികഞ്ഞ മനുഷ്യനാവുകയെന്നാൽ സമ്പൂർണ്ണമായി ജീവിക്കുകയെന്നാണ്, ജീവിതത്തിന്റെ എല്ലാ വശങ്ങളിലും എല്ലാ നിമിഷങ്ങളിലും.
ധ്യാനം ഏകാഗ്രതയോ വിശ്രാന്തിയോ അല്ല. അതൊരുതരം മടങ്ങിവരവാണ്.
എല്ലാത്തിനെയും അവയെങ്ങനെയാണോ ഉള്ളത് അതുപോലെ തന്നെ കാണുന്നത് നിങ്ങൾക്കു ജീവിതത്തിലൂടെ അനായാസേന കടന്നുപോകാനുള്ള ശക്തിയും കഴിവും നൽകുന്നു.
നിങ്ങളും നിങ്ങളുടെ ചിന്താ പ്രക്രിയയും തമ്മിലൊരു ദൂരമുണ്ടാകുമ്പോൾ, ഒരു പുതിയ സ്വാതന്ത്ര്യം ജന്മമെടുക്കുന്നു. ഈ സ്വാതന്ത്ര്യത്താൽ, ഒരു പുതിയ ദർശനം ഉണ്ടാകുന്നു.
നിങ്ങൾക്ക് ജീവിതത്തെ അറിയാനുള്ള ഒരേയൊരു വാതിൽ നിങ്ങളാണ്. അതിനെ തുറന്നുവയ്ക്കൂ.
മനുഷ്യൻ ഒരു വിഭവമല്ല. ഒരു മനുഷ്യൻ അപാരമായ ഒരു സാധ്യതയാണ്. ശരിയായ പരിപോഷണത്തിലൂടെ, ശ്രദ്ധേയമായ ഒരാളായി അവർ വികാസം പ്രാപിക്കുന്നു.
ഒന്നിനെയും ഉയർത്തിക്കാണരുത്, ഒന്നിനെയും താഴ്ത്തിക്കാണുകയുമരുത് - ഇത് പ്രധാനമാണ്. എല്ലാത്തിനെയും അതുപോലെ തന്നെ കാണുന്നതാണ് ശരിയായ ദർശനം.
യോഗ സ്വർഗ്ഗത്തിൽ പോകുന്നതിനു വേണ്ടിയല്ല. അത് നിങ്ങൾക്കുള്ളിൽ ഒരു സ്വർഗ്ഗത്തെ നിർമ്മിക്കുന്നതിന് വേണ്ടിയാണ്.
ഭൂതകാലത്തെയോ ഭാവിയെയോ നിങ്ങൾക്ക് ദുരിതമായി അനുഭവിക്കാനാകില്ല, കാരണം അവ നിലനിൽക്കുന്നില്ല. നിങ്ങൾ ദുരിതമായി അനുഭവിക്കുന്നത് നിങ്ങളുടെ ഓർമ്മയെയും ഭാവനയെയുമാണ്.
നിങ്ങൾക്കുള്ളിലെ ജീവൻ അവിടെയുള്ളത് നിങ്ങളുടെ ശരീരത്തെയോ മനസ്സിനെയോ വികാരങ്ങളെയോ സേവിക്കാനല്ല. ശരീരവും മനസ്സും വികാരങ്ങളുമുള്ളത് ജീവനെ സേവിക്കാനാണ്.
സന്തുലിതാവസ്ഥയിലാകുമ്പോൾ മാത്രമേ ജീവിതം മനോഹരമാകൂ.