FILTERS:
SORT BY:
ഒരു ഉദ്ദേശ്യം കൊണ്ട് കാര്യങ്ങൾ സംഭവിക്കില്ല. അത് ഒരു ദിശ കാണിച്ചുതരിക മാത്രമേയുള്ളു. അപ്പോഴും നിങ്ങൾ ആ യാത്ര നടത്തേണ്ടതുണ്ട്.
ഒരു ബന്ധവും സ്ഥിരമല്ല – അത് എപ്പോഴും മാറിക്കൊണ്ടിരിക്കുന്ന ഒന്നാണ്. ഓരോ ദിവസവും നിങ്ങൾ അതു ഭംഗിയായി കൈകാര്യം ചെയ്യേണ്ടതുണ്ട്.
പണം സമ്പാദിക്കുന്നതിനെക്കുറിച്ചു മാത്രം ചിന്തിക്കരുത് – നന്നായി ജീവിക്കുന്നതിനെക്കുറിച്ചു ചിന്തിക്കുക. നന്നായി ജീവിക്കുന്നതിന്റെ ഏറ്റവും പ്രധാന വശം, നിങ്ങൾ ശരിക്കും വിലമതിക്കുന്ന കാര്യങ്ങൾ ചെയ്യുക എന്നതാണ്.
നിങ്ങൾ ഉള്ളിൽ സന്തോഷവാനായിരിക്കുമ്പോൾ, നിങ്ങളുടെ പ്രവൃത്തികൾ സ്വാഭാവികമായും കരുതലുള്ളതും സൗമ്യവും ഉദാരവുമായിരിക്കും.
ജീവിതത്തിന്റെ ബാഹ്യതലങ്ങൾ നിങ്ങൾക്കു സുഖസൗകര്യങ്ങൾ നൽകിയേക്കാം. എന്നാൽ ജീവിതത്തിന്റെ ആന്തരിക തലത്തിനു മാത്രമേ സാഫല്യം നൽകാൻ കഴിയൂ.
നിങ്ങൾ ആരാണ് എന്നത് നിങ്ങളുടെ തന്നെ സൃഷ്ടിയാണ്. ഇക്കാര്യം മനസ്സിലാക്കിക്കഴിഞ്ഞാൽ, കുറഞ്ഞപക്ഷം നിങ്ങളെയെങ്കിലും നിങ്ങൾക്ക് ഇഷ്ടമാകുന്ന രീതിയിൽ രൂപപ്പെടുത്തിയെടുക്കണം.
കുട്ടികൾ ജാതി, മതം, വർഗ്ഗം എന്നിവയുടെ ചട്ടക്കൂടുകളിൽ ഒതുങ്ങേണ്ടതില്ല. അവർ തങ്ങളുടെ തനതായ പ്രകൃതത്തിലേക്കു വിടർന്നു വികസിക്കേണ്ടവരാണ്.
കഴിഞ്ഞകാല അനുഭവങ്ങൾ നിങ്ങളുടെ ഭാവിയെ മറയ്ക്കാൻ അനുവദിച്ചാൽ, നിങ്ങൾക്ക് ഒരു ഭാവി ഉണ്ടാകില്ലെന്ന് നിങ്ങൾ ഉറപ്പാക്കുകയാണ് - നിങ്ങളുടെ ഭൂതകാലം തന്നെ ആവർത്തിക്കപ്പെടും.
ഭയം, കോപം, ദുഃഖം, നിരാശ, നഷ്ടബോധം എന്നിവയെല്ലാം, നിങ്ങളുടെ നിയന്ത്രണത്തിലല്ലാത്ത ഒരു മനസ്സിന്റെ സൃഷ്ടികളാണ്.
നിങ്ങൾ സ്വതവേ സന്തോഷമുള്ളവരാണെങ്കിൽ, നിങ്ങൾ നിങ്ങളുടെ കഴിവിന്റെ പരമാവധി ചെയ്യും. അതു മാത്രമാണ് പ്രധാനം.
നിങ്ങളുടെ ചുറ്റുമുള്ളവർക്കായി നിങ്ങൾക്കു നൽകാൻ കഴിയുന്ന ഏറ്റവും മഹത്തായ കാര്യം ഇതാണ്: ഒരു മികച്ച വ്യക്തിയാവുക.
മികവ് എന്നത് മറ്റുള്ളവരേക്കാൾ മെച്ചപ്പെട്ടവരാകുന്നതിനെക്കുറിച്ചല്ല. മറിച്ച്, തികച്ചും അനായാസമായി, നിങ്ങൾക്കു കഴിയുന്നത്ര മികച്ച രീതിയിൽ പ്രവർത്തിക്കുക എന്നാണ് അതിനർത്ഥം.