Main Centers
International Centers
India
USA
Wisdom
FILTERS:
SORT BY:
നിങ്ങൾക്ക് മിസ്റ്റിസിസത്തിനായുള്ള തീവ്രാഭിലാഷമുണ്ടെങ്കിൽ, ജീവിതത്തിൻ്റെ മറ്റു മാനങ്ങൾ അറിയാനായി നിങ്ങളുടെ ധാരണയുടെ നിലവിലെ പരിമിതികളെ മറികടക്കാൻ നാഗം നിങ്ങളെ സഹായിക്കും.
നിങ്ങളുടെ മരണത്തെക്കുറിച്ച് നിങ്ങൾ ബോധവാനാകുമ്പോൾ, നിങ്ങൾ പരമാവധി ഉത്സാഹത്തോടെ ജീവിതം നയിക്കും.
കൃതജ്ഞത എന്നത് നിങ്ങൾ പ്രകടിപ്പിക്കേണ്ട ഒന്നല്ല. നിങ്ങളുടെ ജീവിതത്തെ പിന്തുണയ്ക്കുന്ന സകലതിനോടുമുള്ള നന്ദി നിങ്ങളിൽ നിറയുമ്പോൾ, അത് നിങ്ങളുടെ സത്തയെത്തന്നെ അലിയിക്കുന്നു.
നിങ്ങളുടെ പ്രവർത്തനങ്ങളോ ജീവിത സാഹചര്യങ്ങളോ എന്തുതന്നെയാണെങ്കിലും, ജീവിതത്തിന്റെ എല്ലാ നിമിഷവും, നിങ്ങൾക്ക് ഉല്ലാസത്തോടെയും പ്രസരിപ്പോടെയും ഇരിക്കാനായാൽ, അതിനർത്ഥം നിങ്ങൾ സ്വതന്ത്രരാണ് എന്നാണ്.
ധാരാളം ആളുകൾ പട്ടിണി കിടക്കുന്നത് ഭക്ഷണത്തിനു ക്ഷാമം ഉള്ളതുകൊണ്ടല്ല, മനുഷ്യഹൃദയങ്ങളിൽ സ്നേഹത്തിൻ്റെയും കരുതലിൻ്റെയും കുറവുള്ളതുകൊണ്ടാണ്.
നിങ്ങളുടെ ചിന്തകളിലും വികാരങ്ങളിലും സന്തുലനം കൊണ്ടുവരാനുള്ള ഏറ്റവും ലളിതമായ മാർഗ്ഗം എന്തിനോടെങ്കിലുമുള്ള അചഞ്ചലമായ പ്രതിബദ്ധതയാണ്.
നിങ്ങളുടെ ശരീരവും മസ്തിഷ്കവും, നിങ്ങളുടെ മുഴുവൻ സംവിധാനവും ഏറ്റവും നന്നായി പ്രവർത്തിക്കുന്നത് നിങ്ങൾ സന്തോഷത്തോടെയും പ്രസരിപ്പോടെയും പരമാനന്ദത്തോടെയും ഇരിക്കുമ്പോൾ മാത്രമാണ്.
നമ്മുടെ വിദ്യാഭ്യാസ സമ്പ്രദായങ്ങൾ വിവരങ്ങൾ അടിച്ചേൽപ്പിക്കുന്നതിൽ നിന്ന് സത്യത്തെ അന്വേഷിക്കുന്നതിലേക്ക് മാറേണ്ടതുണ്ട്.
നിങ്ങളുടെ ശാരീരികവും മാനസികവുമായ പരിമിതികൾക്കതീതമായി നിങ്ങൾ സ്വയം അനുഭവിച്ചറിഞ്ഞാൽ പിന്നെ ഭയം എന്നൊന്നുണ്ടാവില്ല.
വിജയദശമി വിജയത്തിന്റെ ദിനമാണ്. അസ്തിത്വത്തിന്റെ മൂന്ന് ഗുണങ്ങളായ തമസ്സ് അഥവാ ജഡത്വം, രജസ്സ് അഥവാ പ്രവൃത്തി, സത്വം അഥവാ ഭൗതികതയ്ക്ക് അതീതമാകൽ, എന്നിവയെ നിങ്ങൾ കീഴടക്കുമ്പോൾ, നിങ്ങൾ സ്വതന്ത്രനാകുന്നു.
നമ്മുടെ ജീവിതത്തിൽ പൗരുഷവും സ്ത്രൈണതയും തുല്യമായ പങ്കു വഹിക്കുമ്പോൾ മാത്രമേ, നമ്മുടെ നിലനിൽപിനു ചാരുതയും ഉദ്ദേശ്യവും ഉണ്ടാവുകയുള്ളൂ.
യഥാർത്ഥ അനുകമ്പയെന്നാൽ എന്തെങ്കിലും നൽകലോ സ്വീകരിക്കലോ അല്ല. യഥാർത്ഥ അനുകമ്പയെന്നാൽ വേണ്ടത് ചെയ്യുക എന്നതാണ്.