FILTERS:
SORT BY:
നിങ്ങൾ ആരാണ് എന്നത് നിങ്ങളുടെ തന്നെ സൃഷ്ടിയാണ്. ഇക്കാര്യം മനസ്സിലാക്കിക്കഴിഞ്ഞാൽ, കുറഞ്ഞപക്ഷം നിങ്ങളെയെങ്കിലും നിങ്ങൾക്ക് ഇഷ്ടമാകുന്ന രീതിയിൽ രൂപപ്പെടുത്തിയെടുക്കണം.
കുട്ടികൾ ജാതി, മതം, വർഗ്ഗം എന്നിവയുടെ ചട്ടക്കൂടുകളിൽ ഒതുങ്ങേണ്ടതില്ല. അവർ തങ്ങളുടെ തനതായ പ്രകൃതത്തിലേക്കു വിടർന്നു വികസിക്കേണ്ടവരാണ്.
കഴിഞ്ഞകാല അനുഭവങ്ങൾ നിങ്ങളുടെ ഭാവിയെ മറയ്ക്കാൻ അനുവദിച്ചാൽ, നിങ്ങൾക്ക് ഒരു ഭാവി ഉണ്ടാകില്ലെന്ന് നിങ്ങൾ ഉറപ്പാക്കുകയാണ് - നിങ്ങളുടെ ഭൂതകാലം തന്നെ ആവർത്തിക്കപ്പെടും.
ഇഷ്ടാനിഷ്ടങ്ങളുടെയും നിർബന്ധിത ശീലങ്ങളുടെയും കെണിയിൽ നിങ്ങൾ അകപ്പെട്ടുകഴിഞ്ഞാൽ, മനുഷ്യനായിരിക്കുന്നതിന്റെ അടിസ്ഥാന സ്വാതന്ത്ര്യം നിങ്ങൾക്ക് നഷ്ടമായിരിക്കുന്നു.
നിങ്ങൾ സ്വതവേ സന്തോഷമുള്ളവരാണെങ്കിൽ, നിങ്ങൾ നിങ്ങളുടെ കഴിവിന്റെ പരമാവധി ചെയ്യും. അതു മാത്രമാണ് പ്രധാനം.
നിങ്ങളുടെ ചുറ്റുമുള്ളവർക്കായി നിങ്ങൾക്കു നൽകാൻ കഴിയുന്ന ഏറ്റവും മഹത്തായ കാര്യം ഇതാണ്: ഒരു മികച്ച വ്യക്തിയാവുക.
മികവ് എന്നത് മറ്റുള്ളവരേക്കാൾ മെച്ചപ്പെട്ടവരാകുന്നതിനെക്കുറിച്ചല്ല. മറിച്ച്, തികച്ചും അനായാസമായി, നിങ്ങൾക്കു കഴിയുന്നത്ര മികച്ച രീതിയിൽ പ്രവർത്തിക്കുക എന്നാണ് അതിനർത്ഥം.
ആനന്ദം ഒരു സ്വാഭാവിക പ്രതിഭാസമാണ്. ദുഃഖം നിങ്ങളുടെ സൃഷ്ടിയാണ്.
പണം സമ്പാദിക്കുന്നതിനെക്കുറിച്ചു മാത്രം ചിന്തിക്കരുത് – നന്നായി ജീവിക്കുന്നതിനെക്കുറിച്ചു ചിന്തിക്കുക. നന്നായി ജീവിക്കുന്നതിന്റെ ഏറ്റവും പ്രധാന വശം, നിങ്ങൾ ശരിക്കും വിലമതിക്കുന്ന കാര്യങ്ങൾ ചെയ്യുക എന്നതാണ്.
നിങ്ങൾ ഉള്ളിൽ സന്തോഷവാനായിരിക്കുമ്പോൾ, നിങ്ങളുടെ പ്രവൃത്തികൾ സ്വാഭാവികമായും കരുതലുള്ളതും സൗമ്യവും ഉദാരവുമായിരിക്കും.
ഈ ദീപാവലി നമുക്കു ചുറ്റുമുള്ള ദീപങ്ങളുടെ ഒരു ആഘോഷം മാത്രമാകാതെ, പരമമായ വ്യക്തതയിലേക്ക്, അഥവാ ജ്ഞാനോദയത്തിലേക്കുള്ള ഒരു ചുവടുവയ്പ്പ് ആകട്ടെ. സ്നേഹാശിസ്സുകളോടെ,
ജീവിതം ഒരു പ്രക്രിയയാണ്, ഒരു പ്രശ്നമല്ല. ചോദ്യം, ആ പ്രക്രിയയ്ക്കായി നിങ്ങൾ സ്വയം സജ്ജമാണോ അല്ലയോ എന്നതു മാത്രമാണ്.