FILTERS:
SORT BY:
കഴിഞ്ഞകാല അനുഭവങ്ങൾ നിങ്ങളുടെ ഭാവിയെ മറയ്ക്കാൻ അനുവദിച്ചാൽ, നിങ്ങൾക്ക് ഒരു ഭാവി ഉണ്ടാകില്ലെന്ന് നിങ്ങൾ ഉറപ്പാക്കുകയാണ് - നിങ്ങളുടെ ഭൂതകാലം തന്നെ ആവർത്തിക്കപ്പെടും.
ഇഷ്ടാനിഷ്ടങ്ങളുടെയും നിർബന്ധിത ശീലങ്ങളുടെയും കെണിയിൽ നിങ്ങൾ അകപ്പെട്ടുകഴിഞ്ഞാൽ, മനുഷ്യനായിരിക്കുന്നതിന്റെ അടിസ്ഥാന സ്വാതന്ത്ര്യം നിങ്ങൾക്ക് നഷ്ടമായിരിക്കുന്നു.
യോഗ്യതകൾ നിങ്ങൾക്കു പ്രവേശനം മാത്രമേ നൽകൂ. ആത്യന്തികമായി ഫലം നൽകുന്നത് കാര്യക്ഷമത തന്നെയാണ്.
നിങ്ങൾക്ക് പ്രണയത്തിൽ ഉയരാൻ കഴിയില്ല, പറക്കാൻ കഴിയില്ല , നിൽക്കാനും കഴിയില്ല – നിങ്ങൾ പ്രണയത്തിൽ വീഴുക തന്നെ വേണം. വികാരത്തിന്റെ മാസ്മരികത അറിയണമെന്നുണ്ടെങ്കിൽ, നിങ്ങളിലെ എന്തോ ഒന്ന് വീണേ മതിയാവൂ.
മികവ് എന്നത് മറ്റുള്ളവരേക്കാൾ മെച്ചപ്പെട്ടവരാകുന്നതിനെക്കുറിച്ചല്ല. മറിച്ച്, തികച്ചും അനായാസമായി, നിങ്ങൾക്കു കഴിയുന്നത്ര മികച്ച രീതിയിൽ പ്രവർത്തിക്കുക എന്നാണ് അതിനർത്ഥം.
ആനന്ദം ഒരു സ്വാഭാവിക പ്രതിഭാസമാണ്. ദുഃഖം നിങ്ങളുടെ സൃഷ്ടിയാണ്.
നിങ്ങൾ വേണ്ടത്ര ശ്രദ്ധ നൽകിയാൽ, ഈ അസ്തിത്വത്തിൽ എല്ലാം തന്നെ ഗംഭീരമാണ്; എല്ലാം ദൈവികതയിലേക്കുള്ള ഒരു വാതിലാണ്.
നേതൃത്വം എന്നാൽ പ്രസംഗങ്ങളോ വാഗ്ദാനങ്ങൾ നൽകുന്നതോ അല്ല- അതൊരു രാഷ്ട്രത്തെ കെട്ടിപ്പടുക്കുന്നതാണ്. സർദാർ വല്ലഭഭായി പട്ടേൽ ഇല്ലായിരുന്നെങ്കിൽ, ഇന്ന് നാം കാണുന്ന ഭാരതം ഉണ്ടാകുമായിരുന്നില്ല.
ഈ ദീപാവലി നമുക്കു ചുറ്റുമുള്ള ദീപങ്ങളുടെ ഒരു ആഘോഷം മാത്രമാകാതെ, പരമമായ വ്യക്തതയിലേക്ക്, അഥവാ ജ്ഞാനോദയത്തിലേക്കുള്ള ഒരു ചുവടുവയ്പ്പ് ആകട്ടെ. സ്നേഹാശിസ്സുകളോടെ,
ജീവിതം ഒരു പ്രക്രിയയാണ്, ഒരു പ്രശ്നമല്ല. ചോദ്യം, ആ പ്രക്രിയയ്ക്കായി നിങ്ങൾ സ്വയം സജ്ജമാണോ അല്ലയോ എന്നതു മാത്രമാണ്.
നിങ്ങൾ എങ്ങനെയായിരിക്കണമെന്ന മറ്റൊരാളുടെ ആഗ്രഹത്തോടല്ല, നിങ്ങൾ എങ്ങനെയായിരിക്കണമെന്ന നിങ്ങളുടെ ആഗ്രഹത്തോടാണ് നിങ്ങൾ പ്രതിബദ്ധനാകേണ്ടത്.
നമ്മുടെ ജീവിതം മനോഹരമാകുന്നത് നമ്മൾ പെർഫെക്ട് ആയതുകൊണ്ടല്ല. നമ്മുടെ ജീവിതം മനോഹരമാകുന്നത്, നാം ചെയ്യുന്ന പ്രവൃത്തികളിലേക്ക് നമ്മുടെ ഹൃദയം സമർപ്പിക്കുമ്പോഴാണ്.