அடிக்கடி கேட்கப்படும் கேள்விகள்

முன்பதிவு தொடர்பான கேள்விகள்

நிகழ்ச்சிக்கு நான் எப்படி பதிவு செய்துகொள்வது? உள்ளூர் மையங்களிலா இணையம் மூலமாகவா?
உள்ளூர் மையங்கள் அல்லது இணையதளம் மூலமாக நிகழ்ச்சிக்கு பதிவு செய்துகொள்ளலாம்:
“பங்கேற்பாளர் பக்கத்திற்கு” சென்று “பதிவுசெய்க” எனும் பட்டனை கிளிக் செய்து பதிவு செய்துகொள்ளலாம். கேள்விகள் இருப்பின், அதனை பதிவுசெய்தால், 4 முதல் 7 நாட்களில் தன்னார்வத் தொண்டர் ஒருவர் உங்களைத் தொடர்பு கொண்டு, எப்படிப்பட்ட தங்கும் வசதியும் இருக்கை வசதியும் கைவசம் உள்ளது என்பதை விளக்குவார்.
குறிப்பு: நிகழ்ச்சியில் கலந்துகொள்ள ஏராளமானோர் ஆர்வம் காட்டி வருவதால், உங்களுக்கு எம்மிடமிருந்து 7 நாட்களுக்குள் பதில் கிடைக்காத பட்சத்தில், உங்களுக்கு அருகாமையில் உள்ள பதிவு மையத்தை தொடர்பு கொள்ளவும்.
உங்களுக்கு விருப்பமான இருக்கைப் பிரிவைத் தேர்ந்தெடுத்ததும், அடுத்த 24 முதல் 48 மணி நேரத்திற்குள் நன்கொடை செலுத்துவதற்கான லிங்க் மின்னஞ்சல் மூலம் அனுப்பி வைக்கப்படும்.
உங்கள் ‘ஸ்பேம்’ ஃபோல்டரிற்கு மின்னஞ்சல் வந்துள்ளதா என்று சரிபார்த்துக் கொள்ளவும். நன்கொடை செலுத்துவதற்கான இந்த லிங்க், 30 நாட்கள் வரை செல்லுபடியாகும்.


நான் புகைப்படத்துடன் கூடிய அடையாள அட்டை கொண்டுவர வேண்டுமா?
ஆம்.

இந்தியர்கள், பாஸ்போர்ட், வாக்குச்சீட்டு, ஓட்டுநர் உரிமம், அல்லது ஆதார் அடையாள் அட்டையை எடுத்து வரலாம்.

வெளிநாடுகளிலிருந்து வருவோருக்கு: செல்லுபடியாகக் கூடிய வீசாவுடன், பாஸ்போர்ட் கட்டாயம் தேவை


மஹாசிவராத்திரி அன்று எத்தனை மணிக்கு நான் அங்கு வரவேண்டும்?
ஏற்கெனவே பதிவு செய்தோரின் பதிவை சரிபார்த்து உள்ளே அனுப்பும் சேவை முகப்புகள், மஹாசிவராத்திரி அன்று மதியம் 12 மணியில் இருந்தே செயல்படும். கழிவறை மற்றும் களைப்பாறும் வசதிகள் அங்கேயே ஏற்பாடு செய்யப்பட்டுள்ளது. உங்களின் மின்னஞ்சல் மூலம் அனுப்பப்பட்ட e-passன் பிரிண்ட்-அவுட் எடுத்துவரவும்.


எனக்குத் தமிழ் தெரியாது. நான் நிகழ்ச்சியில் கலந்துகொள்ளலாமா?
மஹாசிவராத்திரி விழா ஆங்கிலத்தில் நடைபெறும். தமிழ், ஹிந்தி மற்றும் மாண்டரின் மொழிகளில் உடனுக்குடன் மொழிபெயர்ப்பு வழங்கப்படும்.

சர்க்கரை வியாதி, இருதய பிரச்சனைகள் அல்லது ஹெர்னியா பிரச்சனை இருப்பவர்கள் இந்நிகழ்ச்சியில் கலந்துகொள்ளலாமா?
கலந்துகொள்ளலாம். அதற்கான மருந்துகளை உடன் எடுத்து வரவும்.


தரையில் அமர்வது எனக்கு கடினம்.
நிகழ்ச்சியில் கலந்துகொள்வதற்கான பதிவு எண் உங்களிடம் இருந்தால், நாற்காலியில் நீங்கள் அமரும் வசதி இருக்கும்.

என் குழந்தைகளை நான் அழைத்து வரலாமா? இந்நிகழ்ச்சியில் கலந்துகொள்ள குறைந்தபட்ச வயது வரையறை என்ன?
நிகழ்ச்சியின்போது குழந்தைகளை கவனித்துக் கொள்வதற்கான வசதியோ, அதற்கான சூழ்நிலையோ ஈஷா யோக மையத்தில் இல்லை. நீங்கள் இங்கு இருக்கும் சமயத்தில் உங்கள் குழந்தைகளை வீட்டில் வைத்து கவனித்துக்கொள்ள காப்பாளர்களை ஏற்பாடு செய்வது சிறந்தது.
நிகழ்ச்சியில் கலந்துகொள்ள குறைந்தது 10 வயதாவது ஆகியிருக்க வேண்டும். உங்கள் குடும்பத்தினருடன் கோவையில் தங்கிவிட்டு, மஹாசிவராத்திரி இரவில் மட்டும் அவர்களை இங்கு அழைத்து வரலாம்.

நான் அங்கு வரும் நாளன்று நேரடியாக பதிவு செய்துகொள்ள முடியுமா?
மிகப் பிரம்மாண்ட நிகழ்ச்சியாக இது இருக்கப் போகிறது என்பதால், நிகழ்ச்சிக்கு 3 நாட்கள் முன்னதாக தாங்கள் பதிவுசெய்வது சிறந்தது. நிகழ்ச்சி தேதியன்று இடவசதி இருக்கும் பட்சத்தில் பதிவுசெய்யும் வாய்ப்பு வழங்கப்படும்.

பதிவு செயல்முறை முடிவடைந்து விட்டதா என்பதை எப்படி அறிவேன்?
நன்கொடை செலுத்திய ஒரு வேலை நாளுக்குள், செலுத்திய நன்கொடைக்கான ரசீதும், அதனை உறுதி செய்யும் பதிவு எண்ணுடன் கூடிய மின்னஞ்சலும் உங்களை வந்தடையும். நிகழ்ச்சி தேதி நெருங்கும் சமயத்தில், மின்னஞ்சல் மூலம் இ-பாஸ் அனுப்பப்படும்.

நான் ஈஷா யோகா வகுப்பில் கலந்து கொண்டதில்லை. இந்நிகழ்ச்சியில் கலந்து கொள்ளலாமா?
நிச்சயமாக. இதில் அனைவரும் கலந்துகொள்ளலாம்.

ஒரு சீட்டிங்க்-பாஸ் (இருக்கை முன்பதிவு) இருந்தால், அதை எத்தனை பேர் பயன்படுத்தலாம்?
நீங்கள் எந்தப்பிரிவில் இருக்கை முன்பதிவு செய்திருந்தாலும், ஒரு சீட்டிங்க்-பாஸை ஒருவர்தான் பயன்படுத்தமுடியும். உங்கள் பெயரில் இருக்கும் சீட்டிங்க்-பாஸை நீங்கள் வேறொருவருக்கு கொடுக்கமுடியாது.

வெவ்வேறு பிரிவில் இருக்கைள் உள்ளன. இவற்றிற்கிடையே வித்தியாசம் என்ன?
இந்நிகழ்ச்சியில் பங்குபெறும் அனைவரும் இம்முழு நிகழ்விலும் ஒரேவிதமாகவே பங்குபெறுவர். ஒரேவொரு வித்தியாசம், அவர்களின் இருக்கை மேடையில் இருந்து எவ்வளவு தொலைவில் இருக்கிறது என்பதுதான்.

குறைவான செலவில் காட்டேஜ் வசதிகள் கிடைக்க வழியிருக்கிறதா?
மன்னிக்க வேண்டுகிறோம். மஹாசிவராத்திரி சமயத்தில் தங்கும் வசதிகள் இருக்காது.

நாங்கள் கங்கா பிரிவிலும், எங்கள் பெற்றோர் மஹாநதி பிரிவிலும் இருக்கை பதிவு செய்துள்ளோம். அவர்கள் எங்களுடன் அமரமுடியுமா?
நீங்கள் விரும்பினால் உங்கள் பெற்றோருடன் சேர்ந்து மஹாநதி பிரிவில் அமரலாம். ஆனால் உங்கள் பெற்றோர் கங்கா பிரிவில் அமரமுடியாது


கங்கா / யமுனா / மாஹாநதி பிரிவுகளில் இருக்கை பதிவு செய்யாத எங்கள் பெற்றோர் / உறவினர்கள், எங்களுடன் சேர்ந்து நிகழ்ச்சியில் எப்படி கலந்து கொள்ளமுடியும்?
நீங்கள் பதிவு செய்து கொண்டுள்ள அதே பிரிவில் அவர்களும் இருக்கைகளை பதிவுசெய்து கொள்ளலாம். அல்லது அவர்களுக்கு வேறு எந்த பிரிவு சௌகரியப்படுமோ, அதற்கான நங்கொடையை வழங்கி அப்பிரிவில் அமர்ந்து அவர்கள் நிகழ்ச்சியில் கலந்து கொள்ளலாம்.

இந்தியாவில் எந்தெந்த விதத்தில் பணம் செலுத்தமுடியும்?
வயர் ட்ரான்ஸ்ஃபர் மூலம் பணம் செலுத்தலாம். ஈஷா வங்கிக் கணக்கை பணம் வந்தடைந்ததும் உங்களுக்கான பதிவுகள் உறுதி செய்யப்படும். உங்கள் பதிவு உறுதியாகும் வரை உங்கள் பயண ஏற்பாடுகளை ஒத்தி வைக்கவும். அல்லது உள்ளூர் பதிவு மையங்களுக்கு நேரடியாகச் சென்று, பணம் செலுத்தி அல்லது கார்டு மூலமாகவும் பதிவு செய்து கொள்ளலாம். ஆனால் காசோலை பெற்றுக்கொள்ளப் படமாட்டாது.

நான் பங்கேற்க வேறு யாரேனும் என் சார்பில் பணம் செலுத்தமுடியுமா?
உங்கள் சார்பாக யார் வேண்டுமானாலும் பணம் செலுத்தலாம். பணம் செலுத்துபவரின் பெயரில் ரசீது வழங்கப்படும். ஆனால் இருக்கைக்கான முழு தொகையையும் ஒரே நேரத்தில் செலுத்தவேண்டும். அதைப் பகுதி பகுதியாக செலுத்தமுடியாது.

நிகழ்ச்சிக்கு முன் சிறிது, நிகழ்ச்சிக்குப்பின் சிறிது என்று முன்பதிவிற்கான தொகையை நான் பிரித்து செலுத்த முடியுமா?
அப்படி செய்யமுடியாது.

என் வாகனத்தில் நான் வரலாமா? அதற்கான பார்க்கிங்க் வசதி இருக்கிறதா?
பார்க்கிங்க் வசதி ஓரளவிற்குத்தான் உள்ளது. உங்கள் வாகனப் பொறுப்பு உங்களுடையது. நிகழ்ச்சி ஒருங்கிணைப்பாளர்கள் எவ்விதத்திலும் இதற்கு பொறுப்பேற்க முடியாது.


detail-seperator-icon

பங்கேற்பது குறித்த கேள்விகள்


கர்ப்பிணியாக இருந்தால், அல்லது மாதவிலக்கு காலத்தில் இந்நிகழ்ச்சியில் கலந்துகொள்ளலாமா?
கலந்துகொள்லலாம்.


இந்நிகழ்ச்சிக்கு எப்படிப்பட்ட உடைகள் அணிந்திருக்க வேண்டும்?
இரசனைமிக்க பாரம்பரிய உடைகளை மஹாசிவராத்திரி நிகழ்ச்சிக்கு அணிந்து வரலாம். ஆண் பெண் இருபாலரின் உடைகளும் தளர்வாக, தோள்கள், முழங்கால்கள் மற்றும் இடுப்புப் பகுதியை மறைப்பதாக இருக்கவேண்டும்.
மேற்கத்திய உடை அணிவதானால், ஆண்களாக இருந்தாலும், பெண்களாக இருந்தாலும், முழு நீள பாண்ட் (அரை-கால் ஷார்ட்ஸ், காப்ரீஸ் கூடாது) மற்றும் கைகளின் மேற்பகுதியை மறைக்கும் விதமான நீள சட்டைகளும் அணியலாம். உங்கள் சௌகரியம் கருதியும், உள்ளூர் கலாச்சாரத்தை மதிக்கும் விதமாகவும், இறுக்கமான உடைகளை தவிர்க்குமாறு தாழ்மையுடன் கேட்டுக்கொள்கிறோம்.
யக்ஷா மற்றும் மஹாசிவராத்திரியின் போது, இந்திய பாரம்பரிய விசேஷ உடைகளை அணிவது விழாக்கோலத்திற்கு பொருத்தமாக இருக்கும்.

வெதுவெதுப்பான உடைகள், சால்வைகளை இரவு நேரத்திற்கு உடன் வைத்திருப்பது நல்லது
டிசம்பரில் இருந்து மார்ச் வரை இரவு நேரம் ஓரளவு குளிராகவும், பகல்நேரம் வெதுவெதுப்பாகவும் இருக்கும். தட்பவெப்பம் 17°C ல் இருந்து 35°C வரை மாறுபடும்.

துணி துவைக்க வசதிகள் உள்ளதா?
யோக மையத்தில் நிலவும் அதீத தண்ணீர் பற்றாக்குறையால், நீங்கள் துணி துவைப்பது சாத்தியமில்லை. சலவை வசதிகளும் இருக்காது. அதனால் இங்கு தங்கும் நாட்களுக்குத் தேவையான அளவு துணிகள் எடுத்துவரவும்.

கோவையை அடைந்த பிறகு ஈஷா யோக மையம் வருவது எப்படி?
வாடிக்கையாக வரும் பஸ் மற்றும் டேக்ஸி மூலம் கோவையிலிருந்து ஈஷா யோக மையத்திற்கு வரமுடியும். கோவை காந்திபுரம் டவுன் பஸ் நிலையத்தில் இருந்து ஈஷா யோக மையத்திற்கு, ரூட் எண்: 14 D பஸ்ஸில் வரலாம். காலை 5:30 மணி முதல் அரை மணி நேரத்திற்கு ஒருமுறை இந்த பேருந்து வரும்.
டாக்ஸி பதிவுசெய்ய ஈஷா உதவி எண்: 9442615436, 0422-2515430

  • டாக்ஸி டாக்ஸி: 0422-40506070, எர்போர்ட் ப்ரீபெய்டு: 99764 94000
  • Fast Track: 0422-2200000 (முன்பே கட்டணத்தை விசாரித்து முன்பதிவு செய்யவும்).
  • மொபைல் ஆப் மூலம் ஓலா/ உபேர் டேக்ஸி புக் செய்யலாம்.

,
தனியார் வாகனங்களுக்கு குறைந்த அளவிலான பார்க்கிங் வசதிகளே உள்ளது.


மஹாசிவராத்திரி நிகழ்வில் கலந்துகொள்ள தடைகள் ஏதும் உள்ளதா?
இதில் கலந்துகொள்ள வரையறைகள் என்று எதுவும் இல்லை. 10 வயதிற்கு மேற்பட்டவர்கள், ஓரளவிற்கு உடல் ஆரோக்கியத்துடன் இருப்பவர்கள் கலந்து கொள்ளலாம்.

நான் அலைபேசி பயன்படுத்தலாமா?
நிகழ்ச்சியின் தன்மை காரணமாகவும், நீங்கள் நிகழ்ச்சியை சிறப்பாக பயன்படுத்திக் கொள்வதற்கு ஏதுவாகவும், நிகழ்ச்சியின்போது அலைபேசி பயன்பாட்டை குறைவாக வைத்துக்கொள்வது சிறந்தது.
குறிப்பு: அலைபேசியை சார்ஜ் செய்யும் வசதியும் இருக்காது.


நிகழ்ச்சிக்கு எப்படிப்பட்ட உணவை நான் கொண்டுவர வேண்டும்?
நிகழ்ச்சியில் பங்கேற்கும் அனைவருக்கும் மஹா அன்னதானம் வழங்கப்படும். உடல்நலம் சார்ந்த பிரச்சினையால் உங்களுக்கு ஏதேனும் உணவுக் கட்டுப்பாடு இருக்கிறது என்றால், சத்தான சைவ உணவைக் கொண்டுவரலாம்.

யோகா மேட் கொண்டுவரத் தேவை இருக்குமா?
யோகா மேட் கொண்டுவரத் தேவையில்லை.

நிகழ்ச்சி எவ்வளவு நேரம் நடைபெறும்? விபரங்கள்..?
மஹாசிவராத்திரி கொண்டாட்டங்கள் மாலை 6 மணிக்குத் துவங்கும். 5 மணிக்கு உங்கள் இருக்கைகளில் தயாராக அமர்ந்துவிடுங்கள். தேவி மஹா ஊர்வலம் 7 மணியளவில் துவங்கும்.

நிகழ்ச்சியின்போது அல்லது நிகழ்ச்சிக்குப் பிறகு நான் சத்குருவுடன் பேசமுடியுமா?
மஹாசிவராத்திரி கொண்டாட்டத்தில் சத்குரு முழுமையாக ஈடுபட்டிருப்பார் என்பதால் அதற்கு வாய்ப்பிருக்காது. இந்த செயல்முறையில் நீங்களும் முழுமையாக ஈடுபடுவது சிறந்தது. உங்களை 100% கொடுத்து அவருடைய குறிப்புகளை நீங்கள் முழுமையாகப் பின்பற்றினால், இந்நிகழ்ச்சியை நடத்திச் செல்வதற்கு அவருக்கும் சுலபமாக இருக்கும். இந்நிகழ்ச்சி முழுவதும் அவரின் வழிகாட்டுதலில் நடைபெறும் என்பதால் இதற்கு நம் முழு ஒத்துழைப்பையும் வழங்குவோம்.


detail-seperator-icon

நிகழ்ச்சி பற்றிய கேள்விகள்

ஆதியோகி பிரதக்ஷணம் பற்றிய விபரங்கள் கூறமுடியுமா?
பிரதக்ஷணம் என்பது ஒரு தீவிரமான சக்தி மூலத்தை இடமிருந்து வலமாக சுற்றிவந்து அதன் சக்தியை உள்வாங்கிக் கொள்ளும் செயல்முறை. அதிலும் ஈஷா யோக மையம் அமைந்திருக்கும் 11 டிகிரி அக்ஷரேகையில் இது இன்னும் தீவிரமாக நிகழும். சத்குரு வழங்கியிருக்கும் இந்த ஆதியோகி பிரதக்ஷணம், முக்தியை நாடும் ஏக்கத்தை ஒருவருக்குள் வளர்க்கக்கூடிய ஆதியோகியின் சக்தியை ஒருவர் உள்வாங்கிக் கொள்வதற்கு வழிசெய்கிறது. இதை யார் வேண்டுமானாலும் மேற்கொள்ளலாம்.
பிரதக்ஷண நேரம்: பிப்ரவரி 13, காலை 6 மணிமுதல் மதியம் 2 மணிவரை
பிப்ரவரி 14, காலை 6 மணிமுதல்


இக்கொண்டாட்டம் எத்தனை நாட்கள் நடைபெறும்?
யக்ஷா என்பது 3-நாள் நிகழ்ச்சி. இதைத் தொடர்ந்து மஹாசிவராத்திரி 1-நாள் இரவு முழுவதும் நடைபெறும் நிகழ்ச்சி.
பிப்ரவரி 10 – 12 : யக்ஷா (மாலை 6 முதல் இரவு 8 வரை, தினமும்)
பிப்ரவரி 13 : மஹாசிவராத்திரி (மாலை 6 மணி முதல் மறுநாள் காலை 6 மணி வரை)

இருக்கை வசதிக்கான பணம் செலுத்துவது தவிர்த்து, இந்நிகழ்ச்சிக்காகவோ, அன்னதானத்திற்காகவோ தனிப்பட்ட முறையில் நன்கொடை வழங்கும் வாய்ப்பு இருக்கிறதா?
இருக்கிறது. இந்நிகழ்ச்சிக்கான பொது நன்கொடை இங்கே வழங்கலாம்
தயவுசெய்து கவனிக்க: மேலே வழங்கப்பட்டிருக்கும் லிங்க் மூலம் செலுத்தப்படும் நன்கொடைகளை, இருக்கை வசதிகளுக்கோ, காட்டேஜ் வசதிகளுக்கோ அல்லது வேறு எந்த வசதிகள் பெறுவதற்குமோ பயன்படுத்திக் கொள்ளமுடியாது.

குறிப்பிட்டு இதற்காக என்றில்லாமல் நான் பொதுவாக நன்கொடை வழங்க விரும்புகிறேன். அதில் பாதியை என் இந்திய வங்கிக் கணக்கில் இருந்தும், மீதியை என் வெளிநாட்டு வங்கிக் கணக்கில் இருந்தும் கொடுக்கலாமா?
பொதுவான நன்கொடை என்றால் இவ்வாறு தரலாம்.
இந்திய வங்கிக் கணக்கில் இருந்து பணம் கொடுக்கிறீர்கள் என்றால், உங்கள் இந்திய மொபைல் நம்பர், இந்திய முகவரி மற்றும் PAN நம்பர் தேவைப்படும்.
வெளிநாட்டு வங்கிக் கணக்கில் இருந்து பணம் கொடுக்கிறீர்கள் என்றால், உங்கள் வெளிநாட்டு தொடர்பு எண், வெளிநாட்டு முகவரி மற்றும் பாஸ்போர்ட் நகல் தேவைப்படும்.

இதுவே இருக்கையை பதிவுசெய்து கொள்ள பணம் செலுத்துகிறீர்கள் என்றால், அதை ஒரே வங்கிக்கணக்கில் இருந்துதான் செலுத்தவேண்டும். அந்த வங்கிக்கணக்கு, உங்கள் நாட்டுரிமை, நீங்கள் வசிக்கும் நாட்டை பொறுத்து, வெளிநாட்டு வங்கிக் கணக்காகவோ, இந்திய வங்கிக் கணக்காகவோ இருக்கலாம்.


கர்ப்பிணிப் பெண்கள் மஹாசிவராத்திரி சாதனா செய்யலாமா?
மந்திர உச்சாடனை செய்யலாம்.

பிப்ரவரி 10-12 மாலைகளில் நடைபெறும் யக்ஷா கலைநிகழ்ச்சிகளில் பங்கேற்பாளர்கள் பங்கேற்கலாமா?
பங்கேற்கலாம்

மஹாசிவராத்திரி கொண்டாட்டங்களில் தன்னார்வத் தொண்டு செய்ய விரும்புகிறேன். அதற்கு எங்கு பதிவு செய்து கொள்ளவேண்டும்?
ஈஷாவில் ஒவ்வொரு மஹாசிவராத்திரியும் மாபெரும் கொண்டாட்டமாக நிகழ்கிறது. உலகின் பல்வேறு பகுதிகளில் இருந்தும் லட்சக்கணக்கானோர் இணையத்தின் நேரடி ஒளிபரப்பு மூலமாகவும், ஆயிரக்கணக்கானோர் நேரடியாகவும் இதில் கலந்து கொள்கிறார்கள். இதில் பங்கெடுக்க உள்ளூர், வெளியூர், வெளிநாடுகளில் இருந்து வருவோரை வரவேற்று, அவர்கள் மஹாசிவராத்திரி இரவை சிறந்த முறையில் உணர்ந்து செல்ல ஈஷா யோக மையத்திலும் சரி, மஹாசிவராத்திரித் திடலிலும் சரி, மேற்கொள்ளப்படும் பிரம்மாண்டமான ஏற்பாடுகளில் பங்கெடுப்பதும், பங்களிப்பதும் ஒரு பெரும் பாக்கியம்.
செயலின் மூலம் உங்களை அர்ப்பணிப்பது, உங்கள் உள்வாங்கும்திறனை அதிகரித்துக் கொள்வதற்கு ஒரு நல்ல வழி.
தன்னார்வத் தொண்டு செய்ய இங்கே பதிவுசெய்து கொள்ளுங்கள்

மஹாசிவராத்திரி சாதனா பற்றி சொல்லுங்கள்
ஒப்பற்ற சாத்தியங்களை அளிக்கும் மஹாசிவராத்திரி இரவிற்கு நம்மை தயார்செய்து கொள்வதற்கான சாதனா, இந்த மஹாசிவராத்திரி சாதனா. 8 வயதுக்கு மேற்பட்டவர்கள் இதை மேற்கொள்ளலாம். மஹாசிவராத்திரிக்கு முந்தைய 40 / 21 / 14 / 7 அல்லது 3 நாட்களுக்கு இந்த சாதனாவை மேற்கொள்ளலாம். இதை மஹாசிவராத்திரி அன்று தியானலிங்கத்தில் (முடியாத பட்சத்தில் வீட்டில்) முடித்துக் கொள்ளலாம்:
மேலும் விபரங்களை இங்கே பெறுக

சாதனாவிற்கு பயன்படுத்த வேண்டிய உச்சாடனைகள் மற்றும் ஷிவ நமஸ்கார் வீடியோவை காண்க


யக்ஷா என்றால் என்ன?
இசை மற்றும் நடனத்தை அங்கீகரிக்கும் கொண்டாட்டமாகவும், மஹாசிவராத்திரி விழாவிற்கு முன்னோடியாகவும் இந்த யக்ஷா கலைவிழா நடைபெறுகிறது. இது இவ்வருடம் பிப்ரவரி 10 – 12, ஈஷா யோக மையத்தில் நடக்கிறது.
நம் தேசத்தின் தொன்மையான இசை, நடன கலை வடிவங்களின் தனித்தன்மை, தூய்மை, பன்முக தன்மையை பாதுகாத்து வளர்க்கும் முயற்சியாக ஆண்டுதோறும் 3-நாள் விழாவாக நடக்கும் இந்த கலைத் திருவிழாவில், நம் நாட்டின் தலைசிறந்த கலைஞர்கள் பழம்பெரும் கலைவடிவங்களை அவற்றிற்கே உரிய தனிச்சிறப்புடனும், கவித்துவத்துடனும் வழங்குகிறார்கள்.
நம் பாரம்பரிய கலை வடிவங்களில் பொதிந்துள்ள ஆழத்தையும், மென்மையையும், ரசித்து உணரும் வாய்ப்பாக அமைந்துள்ள யக்ஷா திருவிழாவில் கலந்துகொள்ள அனைவரையும் வரவேற்கிறோம்.

யக்ஷா 2018 கலைஞர்கள்
1. திரு. ராகேஷ் சௌராஸியா
ஹிந்துஸ்தானி புல்லாங்குழல் இசை
பிப்ரவரி 10
2. விதூஷி திருமதி. ஷ்ருதி சடோலிகர் கட்கர்
ஹிந்துஸ்தானி இசை
பிப்ரவரி 11
3. திரு.சித்ரவீணா N ரவிகிரண்
சித்ரவீணை இசை
பிப்ரவரி 12


சாதனா பற்றிய கேள்வி பதில்கள்

கால் மடக்கி அமர்ந்து மந்திரம் உச்சரிக்கும்போது, கைகள் / உள்ளங்கைகள் எப்படி வைத்திருக்க வேண்டும்?

இந்த மந்திரம் உச்சரிக்கும்போது, கைகள் / உள்ளங்கைகளை எப்படி வைத்துக்கொள்ள வேண்டும் என்று சத்குரு குறிப்பிட்டு எதுவும் சொல்லவில்லை. அதனால் எப்படி வைத்துக்கொள்வது உங்களுக்கு சௌகரியமோ, அப்படியே வைத்துக் கொள்ளுங்கள்


வெள்ளை / வெளிர் நிற ஆடைகளை சாதனா முடிவடையும்போது மட்டும் அணியவேண்டுமா அல்லது சாதனா காலம் முழுவதுமே இதுபோன்ற உடைகள்தான் அணியவேண்டுமா?

சாதனா காலம் முழுவதுமே இதுபோன்ற உடைகள்தான் அணியவேண்டும்


கையின் மேற்பகுதியில் கட்டிக்கொள்ளும் கருப்புத்துணியை, குளிக்கும் சமயத்தில் அல்லது கடலில் நீந்தச் செல்லும் நேரத்தில் கழற்றி வைக்கலாமா?

சாதனா நேரத்தில் எக்காரணத்தைக் கொண்டும் அந்த கருப்புத்துணியை கழற்றக்கூடாது


ஒருவேளை விபூதி கிடைக்கவில்லை எனில், அதற்கு பதில் வேறேதேனும் பயன்படுத்தலாமா அல்லது ஒன்றும் பயன்படுத்தாமல் விட்டுவிடலாமா?

விபூதியை மட்டுமே பயன்படுத்துங்கள். அதிலும் அது ஈஷாவில் தயார் செய்த விபூதியாக இருப்பது நல்லது. ஈஷாவில் கிடைக்கும் விபூதி சரியான முறையில் தயாரிக்கப்பட்டது என்பதோடில்லாமல், அது சக்தியூட்டப்பட்டும் இருக்கிறது.


எனக்கு வேப்பிலையோ, வில்வ இலையோ கிடைக்க வழியில்லை. வேப்பிலை தூளை இரவில் ஊறவைத்து உண்பதற்கும் சாத்தியமில்லை. அதற்கு பதிலாக நான் வேறேதேனும் பயன்படுத்தலாமா (ஐரோப்பாவில் புண்ணை இலை கிடைக்கும்) அல்லது இதை விட்டுவிடலாமா? அதேபோல் சாதனாவை முடித்துக்கொள்ளும் தினத்தில் தியானலிங்கத்திற்கு அர்ப்பணிக்க என்னிடம் 3 வேப்பிலைகள் இருக்காது. அதற்கு பதிலாக வேறென்ன அர்ப்பணிக்கலாம்?

வேப்பிலைகளும், வில்வ இலைகளும் வெளிநாடுகளில் உள்ள பெரும்பாலான இந்தியக் கடைகளில் கிடைக்கும். அல்லது வேப்பிலைத்தூளை நீங்கள் இணையம் மூலம் ஆர்டர் செய்தும் பெறமுடியும். அந்த வேப்பிலைத்தூளை தண்ணீருடன் சேர்த்து சிறு உருண்டைகளாய் பிடித்து உண்ணலாம். சாதனாவை முடித்துக் கொள்ளும்போது வில்வ இலைகளோ, வேப்பிலைகளோ கிடைக்காது என்றால், இதை விட்டுவிடலாம்.


ஷிவ நமஸ்கார் மற்றும் மந்திர உச்சாடனையை என் காலை பயிற்சியுடன் சேர்த்து செய்ய முடிவுசெய்தால், இதை எந்த வரிசையில் செய்வது? முதலிலா… கடைசியிலா… அல்லது நடுவிலா?

குறிப்பிட்ட வரிசை என்று எதுவுமில்லை. ஷிவ நமஸ்கார் செய்யும்போது மட்டும், அது சூரிய உதயத்திற்கு முன்பாகவோ அல்லது சூரிய அஸ்தமனத்திற்கு பிறகோ செய்வதை ஊர்ஜிதம் செய்து கொள்ளுங்கள்.


மஹாசிவராத்திரி சாதனாவிற்கான குறிப்புகள் என்ன?

கீழே குறிப்பிடப்பட்டிருக்கும் குறிப்புகளைக் காண்க:
8-10 மிளகு மணிகளை, 2-3 வில்வ இலைகள் / வேப்பிலைகளுடன் தேனிலும், ஒரு கையளவு நிலக்கடலையை தண்ணீரிலும் இரவு முழுவதும் ஊறவையுங்கள். காலையில் ஷிவ நமஸ்கார் மற்றும் மந்திர உச்சாடனை முடிந்ததும் அந்த இலைகளை மென்று உண்ணுங்கள். பிறகு அந்த மிளகை எலுமிச்சம்பழம் ஜூஸ்-ல் கலந்து குடித்து, அந்த நிலக்கடலையையும் உண்ணுங்கள். வில்வ இலைகளோ, வேப்பிலைகளோ கிடைக்கவில்லை என்றால் வேப்பிலைத் தூளை சிறு உருண்டைகளாய் பிடித்து உண்ணலாம். IshaShoppe.com ல் வேப்பிலைத்தூள் கிடைக்கும். நீங்கள் ஷாம்பவி மஹாமுத்ரா மற்றும் பிற பயிற்சிகள் கற்றிருந்தால், அவற்றை எல்லாம் முடித்தபின் கடைசியாக இவற்றை உட்கொள்ளலாம்.


காலை அல்லது மதிய சாதனா முடித்தபின் மெழுகுவர்த்தியை அணைக்க வேண்டுமா அல்லது அது அப்படியே இருக்கட்டுமா? மெழுகுவர்த்தியை எப்போது ஏற்றவேண்டும்..? சாதனாவை ஆரம்பிக்கும் முன்பா?

விளக்கோ / மெழுகுவர்த்தியோ சாதனா ஆரம்பிக்கும் முன் ஏற்றவேண்டும். சாதாரணமாக ஏற்றிய தீபம் (சாதனா முடிந்தபின்னும்) முழுதாய் எரிந்துமுடிக்க அனுமதிக்க வேண்டும். ஒருவேளை பெரிய மெழுகுவர்த்தி உபயோகிக்கிறீர்கள் அல்லது நீங்கள் இல்லாமல் அங்கு விளக்கு / மெழுகுவர்த்தி எரிவது பாதுகாப்பல்ல என்று நினைத்தால், உங்கள் சாதனா முடிந்தபின் விளக்கு / மெழுகுவர்த்தியை அணைத்துவிடலாம். ஒரு பூவைக் கொண்டு அந்த தீபத்தை குளிர வைக்கலாம். ஊதி அணைப்பது அத்தனை சிறந்ததல்ல.


தினமும் கருப்புத்துணியை கையில் எப்போது கட்டவேண்டும்? காலையில் சாதனா அரம்பிக்கும் முன்பா, சாதனா நேரத்திலா அல்லது சாதனா முடித்தபின்பா? அடுத்தநாள் மீண்டும் கட்டிக் கொள்வதற்கு அந்தக் கருப்புத்துணியை எப்போது கழற்றவேண்டும்? மஹாசிவராத்திரி சாதனா செய்யும்போது மட்டும்தான் இதில் கையில் இருக்கவேண்டுமா அல்லது நாம் செய்யும் பிற பயிற்சிகளின் போதும் (ஷாம்பவி மஹாமுத்ரா மற்றும் பிற பயிற்சிகளின் போதும்) இது கையில் இருக்கலாமா?

உங்கள் சாதனா காலம் எதுவாக இருந்தாலும் (40, 21, 14, 7 or 3 நாட்கள்), அந்நேரம் முழுவதுமே கருப்புத்துணி உங்கள் கையில்தான் இருக்கவேண்டும். நடுவில் எதற்காகவும் அதை கழற்றக்கூடாது.


குளிப்பதற்கு எந்த ஸ்நானம் பொடியை பயன்படுத்த வேண்டும்?

ஈஷா மையங்களில் ஸ்நானம் பொடி கிடைக்கும். குளிப்பதற்கு அதைப் பயன்படுத்தலாம். அது கிடைக்கவில்லை என்றால், செயற்கை பொருட்களோ, இரசாயனங்களோ இல்லாத ஏதேனும் இயற்கைப் பொருட்களைப் பயன்படுத்தலாம்.


வீட்டிலேயே விபூதி தயாரிக்கலாமா? அதற்கு என்னவெல்லாம் தேவை? விபூதியை எப்போது இட்டுக்கொள்ள வேண்டும்? காலை சாதனாவின் போதா, அதற்குப் பிறகா? உடலில் இட்டுக்கொண்ட விபூதியை சாதனாவின் பின் அப்படியே விட்டுவிடலாமா?

விபூதியை சாதனாவிற்கு முன் இட்டுக் கொள்ளலாம். உடலில் இட்டுக்கொண்ட விபூதி, சாதனா முடிந்தபின்னும் அவ்வாறே இருக்கட்டும். நீங்கள் வீட்டில் விபூதி தயார்செய்ய முடியாது. அதற்கு பதிலாக, நம்பத்தகுந்த இடத்தில் இருந்து விபூதி வாங்கிக் கொள்ளலாம். விபூதியை நீங்கள் ஈஷாவில் இருந்து வாங்கமுடியும் என்றால் அது சிறந்தது. அது சரியான முறையில் தயார் செய்யப்பட்டிருப்பதோடு, சக்தியூட்டப்பட்டும் உள்ளது.


நான் பிப்ரவரி 8ம் தேதியே ஆசிரமம் வந்துவிடுகிறேன். மஹாசிவராத்திரி சாதனாவில் இருப்பதால் முதல்வேளை உணவு மதியம் 12 மணிக்கு மேல்தான் உண்ணவேண்டும். அந்நேரத்தில் எனக்கு ஆசிரமத்தில் உணவு கிடைக்குமா? காலையில் நாங்கள் உண்ணவேண்டிய மிளகு, நிலக்கடலை ஆகியவற்றையும் நாங்களே கொண்டுவர வேண்டுமா?

சாதனாவில் இருப்பவர்களுக்கு 12 மணிக்குமேல் உணவு தனியாக வழங்கப்படும். ஆனால் சாதனாவிற்கு தனிப்பட்ட முறையில் உங்களுக்குத் தேவையான மிளகு, நிலக்கடலை, தேன், எலுமிச்சை ஆகியவற்றை நீங்களேதான் கொண்டுவர வேண்டும்.


கருப்புத்துணியை கையில் கட்டாமல் சட்டை பாக்கெட்டில் எப்போதும் உடன் வைத்திருக்கலாமா?

கருப்புத்துணியை கையில் கட்டியிருக்க வேண்டும்


ஏதோவொரு நாள் ஒருவேளை சாதனா செய்யத் தவறிவிட்டது என்றால் என்ன செய்வது? மீண்டும் அடுத்த நாளில் இருந்து துவங்கலாமா?

சாதனாவை மேற்கொள்வது என்று நிர்ணயித்துவிட்டால், தினமும் சாதனா செய்யவேண்டும். அந்த உறுதி உங்களுக்கு இருக்கவேண்டும். “தினமும் செய்யவேண்டும்” என்ற உறுதியோடு இருந்தால், அதை செய்வதற்கு நீங்களே வழி உருவாக்கிக் கொள்வீர்கள். சூரிய உதயத்திற்கு முன்பு எப்போது வேண்டுமானாலும் இதை செய்யலாம் என்பதால், உங்கள் நாளைத் துவங்குவதற்கு முன் இதை செய்துமுடிப்பதற்கு ஏற்றவாறு சீக்கிரமே எழுந்துவிடுங்கள். இந்த சாதனா மிகவும் சக்திவாய்ந்தது. உங்கள் வாழ்வையே மாற்றியமைக்கக்கூடிய வல்லமை கொண்டது. அதனால் இதை உங்களுக்கு எப்படி நடத்திக்கொள்வது என்பதைப் பாருங்கள்!


இந்த சாதனாவை மேற்கொண்டால் மஹாசிவராத்திரி முழுவதும் கண்விழித்து இருப்பது கட்டாயமா? ஒருவேளை நான் நடுவில் தூங்கிவிட்டால் என்ன செய்வது? நான் பிலிபைன்ஸ் நாட்டில் இருப்பதால், இந்தியாவிற்கும் இங்கும் 2.5 மணிநேர நேர-வித்தியாசம் வேறு இருக்கிறது.

மஹாசிவராத்திரி இரவு முழுவதும் கண்விழித்து இருப்பது, இந்த சாதனாவின் மிக முக்கியமான அங்கம். இந்த சாதனாவில் ஈடுபட்டு அந்த 40 நாட்கள் நீங்கள் மேற்கொள்ளும் முயற்சி அனைத்திற்கும் பலன் கிடைக்கும் இரவு இந்த மஹாசிவராத்திரி. அதனால் அன்றிரவை முடிந்த அளவிற்கு முழுமையாக பயன்படுத்திக் கொள்ளவேண்டும். அன்றிரவு கண்விழித்திருக்க என்னென்ன உதவிகள் வேண்டுமோ – குளிர்ந்த நீரில் குளிப்பது, தலையை ஈரமாகவே வைத்துக் கொள்வது, எழுந்து சிறிது தூரம் நடப்பது – இப்படி என்னென்ன செய்யமுடியுமோ அதை செய்து கண்விழித்திருங்கள். அருகில் மஹாசிவராத்திரி கொண்டாட்டங்கள் நடந்தால், அதில் கலந்து கொள்ளலாம். அல்லது ஈஷாவின் மஹாசிவராத்திரிக் கொண்டாட்டத்தின் நேரடி இணைய ஒளிபரப்பைக் காணலாம்.


சிவாங்கா சாதனா, மஹாசிவராத்திரி சாதனா இரண்டையும் ஒரேநேரத்தில் நான் மேற்கொள்ளலாமா?
செய்யலாம்
சாதனா பற்றிய தெளிவான விளக்கம்
மஹாசிவராத்திரிக்கு தயார் செய்துகொள்ள சத்குரு கீழிருக்கும் சாதனாக்களை வழங்கியிருக்கிறார்:
1. சிவாங்கா சாதனா: ஆண்களுக்கான சிவாங்கா சாதனா வெள்ளியங்கிரி மலை மீது ஏறி நிறைவு செய்யவேண்டும்.

மேலும் விபரங்களை இங்கே பெறுக:
சிவாங்கா சாதனா மற்றும் துவங்கும் நாள் பற்றிய விபரங்கள்

2. மஹாசிவராத்திரி சாதனா: ஆண்கள், பெண்கள், அனைவருக்கும். 40/21/12/7/3 நாள் சாதனா. தியானலிங்கத்திற்கு வந்து சாதனாவை நிறைவு செய்யவேண்டும் (அல்லது வீட்டிலேயே நிறைவு செய்யலாம்).

மேலும் விபரங்களுக்கு:
மஹாசிவராத்திரி சாதனா மற்றும் குறிப்புகள்

detail-seperator-icon

தன்னார்வத்தொண்டு பற்றிய கேள்விகள்

மஹாசிவராத்திரி 2018ற்கு ஒரு தன்னார்வத் தொண்டராக நான் எப்படி பதிவுசெய்து கொள்வது?

இந்தப் படிவத்தை நிறைவு செய்து இந்நிகழ்ச்சிக்கு நீங்கள் தன்னார்வத் தொண்டராக ஆகலாம்.

ஈஷா யோகா வகுப்பில் கலந்து கொண்டவர்கள் மட்டுமே இதில் தன்னார்வத் தொண்டராக பங்கேற்கலாம். அப்படி தன்னார்வத் தொண்டு செய்ய விரும்புவோர், குறைந்தது 7-நாட்களுக்கு முன்பேனும், அதாவது பிப்ரவரி 5 அன்றேனும் வரமுடிந்தால் எங்களுக்கு உதவியாக இருக்கும்.

குறிப்பு: தன்னார்வத் தொண்டர்களுக்கான தங்கும் வசதி, பிப்ரவரி 9 ற்கு முன்போ, பிப்ரவரி 9 அன்றோ வருகிறவர்களுக்கு மட்டுமே வழங்கப்படும் பிப்ரவரி 9 ற்குப்பின் வருகிறவர்கள் காட்டேஜ் போன்ற தங்கும் வசதிகளுக்கு பதிவு செய்து கொள்ளலாம். இந்த வரையறை தங்கும் வசதி ஏற்பாட்டிற்கு மட்டுமே. மற்றபடி நீங்கள் ஆசிரமத்திற்கு எப்போது வந்தாலும் தன்னார்வத் தொண்டில் உங்களை ஈடுபடுத்திக் கொள்ளலாம்.


புகைப்படத்துடன் கூடிய அடையாள அட்டையை நான் எடுத்துவர வேண்டுமா?

இந்தியராக இருப்பின், உங்கள் பாஸ்போர்ட் / வாக்காளர் அட்டை / ஓட்டுநர் உரிமம் அல்லது ஆதார் கார்டை கொண்டுவரவும்

வெளிநாட்டவராக இருப்பின் உங்கள் பாஸ்போர்ட் மற்றும் சட்டப்படி செல்லுபடியாகும் இந்திய நுழைவுரிமை (valid Indian visa) கட்டாயம் கொண்டுவர வேண்டும்.

குறிப்பு: இங்கு படிவத்துடன் சேர்த்து நீங்கள் மேலேற்றும் “புகைப்படத்துடன் கூடிய அடையாள அட்டை” எதுவோ, அதையே நேரிலும் கொண்டு வரவும்.


நான் 3 நாட்களுக்கு மேல் தன்னார்வத் தொண்டு செய்ய விரும்பினால், தனியாக தங்கும் வசதி ஏற்பாடு செய்துகொள்ள வேண்டுமா?
இல்லை. பிப்ரவரி 9, அல்லது அதற்கு முன்பே வரும் தன்னார்வத் தொண்டர்களுக்கு தங்கும் வசதி வழங்கப்படும். பிப்ரவரி 9ற்குப்பின் வருவதானால் மட்டும், உங்களுக்கான தங்கும் வசதியை நீங்களே ஏற்பாடு செய்துகொள்ள வேண்டியிருக்கும்.

3 நாட்களுக்கு முன்பே என்னால் வரமுடியாது என்றால், நான் தன்னார்வத் தொண்டு செய்ய முடியாதா?

மஹாசிவராத்திரி கொண்டாட்டத்தில் பங்கேற்க வரும் அனைவருக்குமே தன்னார்வத் தொண்டு செய்வதற்கான வாய்ப்பு நிச்சயம் இருக்கும். இதுபோன்றதொரு நிகழ்ச்சி, தன்னார்வத் தொண்டர்களின் பங்களிப்பும், அர்ப்பணிப்பும் இன்றி சாத்தியமாகாது. ஆனால் ஈஷா யோக மையத்தில் இடவசதி சற்று குறைவாக இருப்பதால், பிப்ரவரி 9ற்கு மேல் வரும் தன்னார்வத் தொண்டர்களுக்கு தங்கும்வசதி வழங்க நம்மால் இயலாது. இதைப் புரிந்து கொண்டு உங்கள் ஒத்துழைப்பை எங்களுக்கு வழங்கியதற்கு நன்றி.

பிப்ரவரி 9ற்கு மேல் வருபவர்கள் உங்களுக்கான தங்கும்வசதியை முன்பதிவு செய்துகொள்ளலாம். மஹாசிவராத்திரிக்கு உங்கள் வருகையை பதிவு செய்யுங்கள்


தன்னார்வத் தொண்டர்கள் எங்கே தங்குவார்கள்?
மஹாசிவராத்திரியை முன்னிட்டு உருவாக்கப்படும் தற்காலிக தங்கும் இடங்களில்தான் எல்லா தன்னாரவத் தொண்டர்களும் தங்க ஏற்பாடுகள் செய்யப்பட்டிருக்கிறது. இதை கருத்தில் கொண்டு நடந்துகொள்ள எல்லா தன்னார்வத் தொண்டர்களையும் வேண்டுகிறோம். நீங்கள் உடன் எடுத்துவரவேண்டிய பொருட்களின் விபரங்களுக்கு, கீழிருக்கும் 7வது கேள்விக்கான பதிலைக் காண்க. இதுபோன்றதொரு பிரம்மாண்டமான நிகழ்வு உங்கள் தனிப்பட்ட வசதி/ சௌகரியத்தை பற்றியதல்ல. இது மக்கள் அனைவருக்கும் கிடைக்கவேண்டும் என்பது சத்குருவின் விருப்பம். அதை நிகழ்த்துவதே எங்கள் நோக்கம்.

எங்களுக்கு படுக்கை வசதிகள் கிடைக்குமா?
உங்களுக்குத் தேவையான படுக்கை வசதிகள் – மெத்தை, மெத்தை-விரிப்பு, தலையணை உட்பட – அனைத்தையும் நீங்களே எடுத்துவருமாறு தன்னார்வத் தொண்டர்களை வேண்டுகிறோம். ஆசிரமத்தில் இருந்து இவை வழங்கப்பட மாட்டாது.
டிசம்பரில் இருந்து மார்ச் வரை இரவு நேரம் ஓரளவு குளிராகவும், பகல்நேரம் வெதுவெதுப்பாகவும் இருக்கும். தட்பவெப்பம் 17°C ல் இருந்து 35°C வரை மாறுபடும். அதனால் இரவில் பயன்படுத்திக் கொள்ள வெதுவெதுப்பான உடைகள், சால்வைகளை எடுத்துவரவும்.

என்னென்ன பொருட்களை நாங்கள் எடுத்துவர வேண்டும்?
குறிப்பு: உங்களுக்கான தங்கும்வசதி வெவ்வேறாக அமையலாம் என்பதால், குழுவாக வரும் ஒரே குடும்பத்தை சேர்ந்தவர்களும், அவரவருக்குத் தேவையான பொருட்களை தனித்தனியே வைத்திருப்பது நல்லது.

  • சீப்பு, டூத்பேஸ்ட், பிரஷ் போன்றவை
  • டார்ச் லைட்
  • குடை
  • கொசுவிரட்டும் க்ரீம்
  • படுக்கை சாமாங்கள் (மெத்தை, தலையணை உட்பட)
  • போதுமான அளவிற்கு உடைகள்
  • வெதுவெதுப்பான ஆடைகள் (சால்வை, ஸ்வெட்டர், போன்றவை)
  • தேவையான மருந்துகள் (நீங்கள் தினமும் எடுத்துக் கொள்ளும் மருந்துகள் (இருப்பின்) மற்றும் தலைவலி, காய்ச்சல், வலி அகற்றி, அசிடிடி போன்ற வயிற்றுப் பிரச்சினைகளுக்கான மருந்துகள் போன்றவை)
  • உங்கள் பெட்டிக்கான பூட்டு-சாவி(கள்)
  • செல்ஃபோனுக்கான பவர் பாங்க்
  • யோகா மாட்
  • ஸ்லீப்பிங்க் பாக் – Sleeping bags (முடியுமென்றால்)
  • தண்ணீர் பாட்டில்
  • வெயிலில் இருந்து பாதுகாத்துக் கொள்வதற்காக தொப்பி

பாதுகாப்பு ஏற்பாடுகள் எப்படி? பாதுகாப்பிற்கு குறைவேதுமில்லையே?
ஈஷா யோக மையம் மிகவும் பாதுகாப்பான இடம். 24 மணிநேரமும், எல்லா நாட்களும் செக்யூரிட்டி இருக்கிறார்கள். என்றாலும், இத்தனை பிரம்மாண்டமான நிகழ்ச்சி நடைபெறும் போது, உங்கள் உடைமைகளை நீங்கள் இன்னும் கவனமாக பார்த்துக்கொள்ள வேண்டும். பலருடன் சேர்ந்து தங்குவீர்கள் என்பதால், விலையுயர்ந்த பொருட்கள், நகை, லாப்டாப் மற்றும் பிற விலையுயர்ந்த எலக்ட்ரானிக் பொருட்களை கொண்டு வராமல் இருப்பது நல்லது. எதற்கும் முன்னெச்சரிக்கையாக, உங்கள் பெட்டிகளை எப்போதும் பூட்டி வைத்து உங்கள் உடைமைகளை பாதுகாத்துக் கொள்ளவும்.

மொபைல் ஃபோன் சார்ஜ் செய்யும் வசதி இருக்குமா?
தங்கும் இடத்தில் ஓரளவிற்கு சார்ஜிங்க் வசதி ஏற்பாடு செய்யப்பட்டுள்ளது. ஃபோன் சார்ஜ் ஆகும் சமயத்தில் தயவுசெய்து அதனருகில் இருங்கள். ஃபோனை விட்டுச் செல்லாதீர்கள். மொபைல் பவர் பாங்க் வைத்திருப்பது சிறந்தது.

மஹாசிவராத்திரியை முன்னிட்டு நான் ஈஷா யோக மையத்திற்கு எப்போது வரலாம், எத்தனை நாட்கள் தங்கலாம்? அதற்கும் முன்பாக வரவேண்டும் என்றாலோ, அதற்குப்பின் சிறிது நாட்கள் அதிகமாக இருக்கவேண்டும் என்றாலோ நான் என்ன செய்யவேண்டும்?
தன்னார்வத் தொண்டர்கள் ஜனவரி 5 முதலே வந்து, பிப்ரவரி 15 வரை இங்கு தங்கலாம். இதற்கு முன்பாகவோ, பிப்ரவரி 15க்கு மேலோ நீங்கள் இருக்க விரும்பினால், வழக்கமாக நாம் பூர்த்திசெய்யும் இப்படிவத்தை பூர்த்தி செய்து சமர்ப்பிக்கலாம். உங்களுக்கான தங்கும்வசதியை ஊர்ஜிதம் செய்து கொள்வதற்கு இது மிக அவசியம்.

மஹாசிவராத்திரியின் போது தன்னார்வத் தொண்டர்கள் அமர்ந்துகொள்ள வசதிகள் இருக்குமா? அல்லது நாங்கள் தனியாக இருக்கை வசதிக்கு பதிவு செய்துகொள்ள வேண்டுமா?
மஹாசிவராத்திரி அன்று தன்னார்வத் தொண்டர்களுக்கு என தனியாக “வாலுண்டியர்ஸ் பே” ஏற்பாடு செய்யப்படும். நீங்கள் தனியாக இருக்கைவசதி பதிவு செய்ய அவசியமில்லை.

நான் தன்னார்வத் தொண்டராக இருந்தாலும் எனக்கென நான் விரும்பும் இருக்கைவசதியை பதிவு செய்து கொள்ளலாமா? நான் தேர்வு செய்யும் இடத்தில் அன்று அமரலாமா?

மஹாசிவராத்திரியில் பங்கேற்கும் ஒவ்வொருவரும் அன்றிரவை எப்படி உணர்ந்து செல்கிறார்கள் என்பதில் ஒரு தன்னார்வத் தொண்டராக நாம் பெரும் பங்கை வகிக்கிறோம். அன்றிரவு முழுவதும் தன்னார்வத் தொண்டர்களுக்கு வெவ்வேறு நேரங்களில் வெவ்வேறு பொறுப்புகள் வழங்கப்படும். எப்போது நீங்கள் தன்னார்வத் தொண்டராக உங்களை அர்ப்பணிக்க முடிவு செய்து விட்டீர்களோ, அன்றிரவு முழுவதும் தன்னார்வத் தொண்டராகவே செயல்படுவது சிறந்தது. சத்குருவிற்கு அர்ப்பணமாக செயல்படும்போது, இந்நிகழ்வை நீங்கள் மிக வித்தியாசமாக, இன்னும் ஆழமாக உணர்வீர்கள்.

அப்படியும் தனியாக இருக்கை வசதி பெற்று பங்கேற்க நீங்கள் விரும்பினால், நீங்கள் எந்த செயற்குழுவில் (team) இருக்கிறீர்களோ, அதன் ஒருங்கிணைப்பாளருடன் கலந்துபேசிவிட்டு பின் அதன்படி செயல்படுங்கள்


எனக்குத் தமிழ் தெரியாது. என்றாலும் இந்நிகழ்ச்சிக்கு தன்னார்வத் தொண்டராக நான் செயல்பட முடியுமா?
முடியும். உங்களுக்குத் தமிழ் தெரியாது என்றாலும் இந்நிகழ்வில் தன்னார்வத் தொண்டராக நீங்கள் பங்கேற்க முடியும்.

என்னுடன் என் குடும்பத்தினர், உறவினர், விருந்தினர்களை நான் அழைத்துவரலாமா?
ஈஷா யோகா வகுப்பில் கலந்துகொண்டவர்கள் மட்டுமே தன்னார்வத் தொண்டர்களின் தங்கும்வசதியில் அனுமதிக்கப் படுவார்கள். மற்ற குடும்பத்தினர், விருந்தினர்கள் அனைவரும் மஹாசிவராத்திரியில் பங்கேற்க பதிவு செய்துகொண்டு, அன்றைய விழாவில் பங்கேற்கலாம்..

நான் என் வாகனத்தில் வரலாமா? அதற்கான பார்க்கிங்க் வசதி இருக்குமா?
பார்க்கிங்க் வசதி ஓரளவிற்குத்தான் இருக்கும். நீங்கள் விரும்பினால் அன்றைய ஏற்பாடுகளை செய்வதற்கு உதவியாக உங்கள் வாகனத்தை விழா நேரத்திற்கு மட்டும் அளிக்கலாம்.

ஏதேனும் கேள்விகள் இருந்தால், +91 83000 83111 என்ற அலைபேசி எண் அல்லது info@mahashivarathri.org என்ற மின்னஞ்சலை தொடர்பு கொள்ளவும்.