ieco
ieco

சிவன் மிகச் சிறந்தவர் என்பதற்கான 5 காரணங்கள்

article சிவன் பற்றி
குழந்தைகள், இளைஞர்கள், குடும்பஸ்தர்கள் அல்லது துறவிகள், அனைவரும் சிவனின் ரசிகரகள். சிவனை மிகவும் பிரபலமாக்குவது எது? இங்கே 5 காரணங்கள்.

சிவன் மிகச் சிறந்தவர் என்பதற்கான 5 காரணங்கள்

குழந்தைகள், இளைஞர்கள், குடும்பஸ்தர்கள் அல்லது துறவிகள், அனைவரும் சிவனின் ரசிகரகள். சிவனை மிகவும் பிரபலமாக்குவது எது? இங்கே 5 காரணங்கள்.

#1 அவர் அனைவரையும் உள்ளடக்கியவர். அவர் யாருடனும் அன்பில் கலந்துவிடுவார்.

சத்குரு: சிவனை வழிபடுவது கடவுள்கள் மட்டுமல்ல. பேய்கள், பூதங்கள் மற்றும் அனைத்து வகையான உயிரினங்களும் அவரை வணங்குகின்றன. பேய்கள், தீய ஆவிகள், பூதங்கள், பிசாசுகள், துர்தேவதைகள் – அனைவராலும் நிராகரிக்கப்பட்ட எல்லா உயிரினங்களும் – சிவன் அவற்றை ஏற்றுக்கொண்டார்.

அவரது திருமணம் நடந்தபோது, ​​இந்த பாரம்பரியம் இதைப் பற்றி விவரிக்கிறது, யாராக இருந்தாலும் அறிந்தவர் அறியாதவா என எந்த பாரபட்சமுமின்றி அனைவருமே கலந்து கொண்டனர். அனைத்து கடவுள்கள் மற்றும் தெய்வீக மனிதர்கள், அனைத்து அசுரர்கள், பேய்கள், உரு சிதைந்தவர்கள், பிசாசுகள் மற்றும் பூதங்கள் – அனைவரும் வந்தனர். பொதுவாக, இந்த மக்கள் ஒருவருக்கொருவர் பழகுவதில்லை. ஆனால் சிவனின் திருமணத்தில் அனைவரும் இருந்தனர். அவர் “பசுபதி” என்பதால் விலங்கினத்தின் கடவுள், அனைத்து விலங்குகளும் வந்தன. நிச்சயமாக பாம்புகள் அதை இழக்க விரும்பாது, அதனால் அவர்கள் அனைவரும் வந்தனர். பறவைகள் மற்றும் பூச்சிகள் வாய்ப்பை இழக்க விரும்பவில்லை, எனவே அவர்களும் விருந்தினர்களாக இருந்தனர். இந்த திருமணத்திற்கு அனைத்து உயிரினங்களும் வந்தன.

கதை என்ன சொல்ல முயல்கிறது என்றால், இதைப் பற்றி நாம் பேசும்போது, ​​நாம் ஒரு மென்மையான, நாகரிக மனிதனைப் பற்றி பேசுவதில்லை, ஆனால் ஒரு முதன்மை உருவத்தைப் பற்றி, வாழ்க்கையுடன் முழுமையாக இணைந்த நிலையில் உள்ள ஒருவரை பற்றி பேசுகிறோம். அவர் முழுமையாக விழிப்பானவர், முற்றிலும் பாசாங்கு இல்லாத, ஓர் செயலை திரும்ப திரும்ப செய்யாதவர், எப்போதும் தன்னிச்சையானவர், எப்போதும் புதிதாக சிந்திப்பவர், இடையறாது ஆக்கப்பூர்வம் கொண்டவர். அவரே வெறும் வாழ்க்கைதான்.

#2 அவர் இறுதியான மனிதன், ஆனால் பெண்மையின் தொடர்பில் இருப்பவர்.

சத்குரு: பொதுவாக, சிவன் ஆண்மையின் இறுதி அடையாளமாகும், ஆனால் சிவனின் அர்த்தநாரீஸ்வரர் வடிவத்தில், அவரில் ஒரு பாதி முழுமையாக வளர்ந்த பெண் என்பதை நீங்கள் பார்ப்பீர்கள். என்ன நடந்தது என்ற கதையைச் சொல்கிறேன். சிவன் பரவச நிலையில் இருந்தார், அதனால் பார்வதி அவரிடம் ஈர்க்கப்பட்டார். பார்வதி அவரை ஈர்க்க பல விஷயங்களைச் செய்து அனைத்து வகையான உதவிகளையும் நாடிய பிறகு, அவர்கள் திருமணம் செய்து கொண்டனர். அவர்கள் திருமணம் செய்தவுடன், இயல்பாகவே, சிவன் தனது அனுபவத்தைப் பகிர்ந்து கொள்ள விரும்பினார். பார்வதி கூறினார், “நீங்கள் உள்ளுக்குள் இருக்கும் இந்த நிலையை, நானும் அனுபவிக்க விரும்புகிறேன். நான் என்ன செய்ய வேண்டும்? சொல்லுங்கள். நான் எந்தவித கடினமானதையும் செய்யத் தயாராக இருக்கிறேன்.” சிவன் புன்னகைத்து, “நீ எந்த பெரிய கடினமானதையும் செய்ய வேண்டிய அவசியமில்லை. நீ வந்து என் மடியில் உட்கார்.” பார்வதி அவரை நோக்கி வந்து எந்த எதிர்ப்பும் இல்லாமல், அவரது இடது மடியில் அமர்ந்தார். விருப்பத்துடன் தன்னை முழுமையாக அவரின் வசம் ஒப்படைத்ததால், அவர் அப்படியே அவளை உள்வாங்கினார். பார்வதி அவரின் பாதி ஆனாள்.

நீங்கள் புரிந்து கொள்ள வேண்டும், அவன் தன் உடலில் அவளுக்கு இடமளிக்க வேண்டும் என்றால், அவன் தன்னில் பாதியைக் இழக்க வேண்டும். அதனால் அவன் தன்னை பாதியாக உதறிவிட்டு அவளை சேர்த்துக்கொண்டான். இது அர்த்தநாரீஸ்வரரின் கதை. இது ஆண் மற்றும் பெண் தன்மைமைகள் உங்களுக்குள் சமமாகப் பிரிக்கப்பட்டுள்ளன என்பதை வெளிப்படுத்த முயல்கிறது. அவன் அவளை சேர்த்தபோது, ​​அவன் பரவசமடைந்தான். என்ன சொல்லப்படுகிறது என்றால், உள்ளுக்குள் ஆண்மை மற்றும் பெண்மை சந்தித்தால், நீங்கள் நிரந்தர பரவச நிலையில் இருப்பீர்கள். நீங்கள் அதை வெளியில் செய்ய முயற்சித்தால், அது ஒருபோதும் நீடிக்காது, அதனால் வரும் அனைத்து பிரச்சனைகளும் தொடர்ந்து நடக்கும் நாடகம் மட்டுமே!

#3 அவர் நடன தளத்தை “அழிக்கிறார்”!

சத்குரு: நடேசன் அல்லது நடராஜா – சிவன் நடனத்தின் கடவுள் – சிவனின் மிக முக்கியமான வடிவங்களில் ஒன்று. நான் சுவிட்சர்லாந்தில் CERN- க்குச் சென்றபோது – அங்கே அனைத்து அணுத்துகள் நொறுக்குதல் நடக்கும் – நுழைவாயிலுக்கு முன்னால் ஒரு நடராஜா சிலை இருப்பதைக் கண்டேன். ஏனென்றால் அவர்கள் இப்போது என்ன செய்கிறார்களோ அதற்கு நெருக்கமாக மனித கலாச்சாரத்தில் தற்போது எதுவும் இல்லை என்று அவர்கள் அடையாளம் கண்டுள்ளனர். . அச் சிலை படைப்பின் வளத்தை பிரதிபலிக்கிறது, நித்திய அமைதியிலிருந்து தன்னைத்தானே உருவாக்கிய படைப்பின் நடனம்.

#4 அவர் எப்போதும் ஆனந்தத்தில் இருக்கிறார்

சத்குரு: சிவன் தொடர்ந்து குடிகாரனாகவும், அதே சமயத்தில் துறவியாகவும் குறிப்பிடப்படுகிறார். அவர் ஒரு யோகி, தியானத்தில் அமர்ந்தால் நகர மாட்டார். அதே நேரத்தில், அவர் எப்போதும் போதையில் உள்ளார். அவர் உள்ளூர் மதுக்கடைக்குச் செல்வதாக இது அர்த்தமில்லை! யோகாவின் அறிவியல் இந்த வாய்ப்பை அளிக்கிறது, நீங்கள் அமைதியாக இருக்க முடியும் அதே சமயம் எப்பொழுதும் தீவிர மகிழ்ச்சியில் இருக்க முடியும். யோகிகள் இன்பத்திற்கு எதிரானவர்கள் அல்ல. அவர்கள் சிறிய இன்பங்களுக்கு ஆசைப்படுவதில்லை. அவர்கள் பேராசை கொண்டவர்கள். நீங்கள் ஒரு குவளை மது குடித்தால், அது உங்களுக்கு கொஞ்சம் சலசலப்பைத் தருகிறது, பின்னர் நாளை காலை உங்களுக்கு தலைவலி மற்றும் எல்லாவற்றையும் தருகிறது. நீங்கள் முற்றிலும் குடித்திருந்தாலும், நூறு சதவிகிதம் நிலைத்தன்மையுடனும் விழிப்புடனும் இருந்தால் மட்டுமே போதையை அனுபவிக்க முடியும். இயற்கை உங்களுக்கு இந்த வாய்ப்பை வழங்கியுள்ளது.

ஒரு இஸ்ரேலிய விஞ்ஞானி மனித மூளையின் சில அம்சங்களை ஆராய்ச்சி செய்ய பல ஆண்டுகள் செலவிட்டார், மூளையில் இலட்சக்கணக்கான கஞ்சா ஏற்பிகள் இருப்பதை அவர் கண்டுபிடித்தார்! பின்னர் நரம்பியல் வல்லுநர்கள், இந்த ஏற்பிகளை திருப்தி செய்ய உடலே ஒரு இரசாயனத்தை, அதன் சொந்த கஞ்சாவை உருவாக்க முடியும் என்று கண்டுபிடித்தனர். ஏற்பிகளை நோக்கிச் செல்லும் இந்த இரசாயனத்தை அவர்கள் கண்டறிந்தபோது, ​​விஞ்ஞானி உண்மையிலேயே பொருத்தமான ஒரு பெயரை கொடுக்க விரும்பினார். அவர் பல்வேறு வேதங்களை ஆராய்ந்தபோது, ​​அவரை வியப்பில் ஆழ்த்தியது, ​​இந்திய வேதங்கள் மட்டுமே பேரின்பத்தைப் பற்றி பேசுகின்றன என்பதைக் கண்டறிந்தார். எனவே அவர் இந்த இரசாயனத்தை “ஆனந்தமைடு” என்று அழைத்தார்.

உள்ளே முழு கஞ்சா தோட்டமே உள்ளது! எனவே நீங்கள் செய்ய வேண்டியது அங்கே சிறிது ஆனந்தமைடு உற்பத்தி செய்வதுதான். நீங்கள் அதை முறையாக பயிரிட்டு வளர்த்தால், நீங்கள் எப்போதும் போதையில் இருக்கலாம்.

#5 அவர் உச்சபட்ச சட்டவிரோதி

சத்குரு: “சிவன்” என்று நீங்கள் கூறும்போது, ​​அது மதத்தைப் பற்றியது அல்ல. இன்று, நீங்கள் எந்த மதத்தைச் சேர்ந்தவர் என்ற அடிப்படையில் உலகம் பிளவுபட்டுள்ளது. இதன் காரணமாக, நீங்கள் ஏதாவது பேசினால், நீங்கள் ஏதோ ஒரு மதத்தைச் சேர்ந்தவர் போல் உணர்கிறார்கள். இது மதம் அல்ல, இது உள்நிலையிலான பரிணாம வளர்ச்சியின் அறிவியல். இது ஆழ்நிலை மற்றும் விடுதலையைப் பற்றியது: உங்கள் மரபியல் என்ன, உங்கள் தந்தை யார், அல்லது நீங்கள் எப்படிப்பட்ட தகுதிகளுடன் பிறந்தீர்கள் அல்லது மேற்கொண்டு அடைந்தீர்கள் எதுவாக இருந்தாலும், நீங்கள் விரும்பி முயன்றால் அதையெல்லாம் கடந்து போகலாம்.

இயற்கை மனிதர்களுக்கு சில சட்டங்களை அமைத்துள்ளது – அவர்கள் அதற்குள் இருக்க வேண்டும். உடலின் பொருள் தன்மையை மீறுவது ஆன்மீக செயல்முறை. இந்த அர்த்தத்தில், நாம் சட்டவிரோதிகள், சிவன்தான் உச்சபட்ச சட்டவிரோதி. எனவே நீங்கள் சிவனை வழிபட முடியாது, ஆனால் நீங்கள் இந்த கும்பலில் சேரலாம்.

இந்த மஹாசிவராத்திரி இரவு விழித்திருக்கும் இரவாக மட்டும் இல்லாமல், இது உங்களுக்கு தீவிரமான உயிர்தன்மை மற்றும் விழிப்புணர்வு இரவாகவும் அமையட்டும். இந்த நாளில் இயற்கை நமக்கு அளிக்கும் இந்த அற்புதமான பரிசை நீங்கள் பயன்படுத்திக் கொள்ள வேண்டும் என்பதே எனது விருப்பமும் ஆசீர்வாதமும் ஆகும். நீங்கள் அனைவரும் இந்த பொங்கும் எழுச்சியில் பயணித்து, “சிவா” என்று சொல்லும்போது அது குறிக்கும் அந்த அழகையும் பரவசத்தையும் அறிவீர்கள் என்று நம்புகிறேன்.