అద్భుతమైన ఫిట్‌నెస్‌కు మార్గం అంగమర్దన!

‘అంగమర్దన’ అనేది నేడు పూర్తిగా మరుగున పడిపోయిన ఒక ప్రత్యేకమైన యోగా విధానం. ‘అంగమర్దన’ అంటే అర్ధం మీ అవయవాల మీద ఆధిపత్యం, లేదా నియంత్రణ కలిగి ఉండడం. మీరు ఏ పని చేయదలచుకున్నా, మీ అవయవాల మీద ఎంత నియంత్రణ కలిగి ఉన్నారన్న విషయమే మీరు ఆ పనిని ఎంత బాగా చేయగలరనే దానిని నిర్ణయిస్తుంది.
 
 

‘అంగమర్దన’ అనేది నేడు పూర్తిగా మరుగున పడిపోయిన ఒక ప్రత్యేకమైన యోగా విధానం. ఎటువంటి పరికరాల అవసరం లేకుండానే చేయగలిగే తీవ్రమైన వ్యాయామం ఇది. మీకు కావలిసింది 'ఆరు x ఆరు' అడుగుల స్థలం మాత్రమే; ఆ తర్వాత ఇందులో మీరు చేసేదంతా మీ శరీరంతోనే. ఇది మీ శరీర బరువు, వేగాల సాయంతో మీ కండరాల యొక్క వంగే గుణాన్ని పెంచి క్రమక్రమంగా ఎంతో భిన్నమైన శారీరిక సామర్ధ్యతనూ, దృఢత్వాన్నీ కలిగిస్తుంది. మేము ప్రస్తుతం నేర్పిస్తున్నది ఒక 25 నిమిషాల ప్రక్రియే, కానీ ఇది ఆరోగ్యపరంగా, శ్రేయ్యస్సు పరంగా అధ్బుతాలను సృష్టించగలదు. శక్తివంతమైన శరీరాన్ని నిర్మించటంలో, ఇది బరువులతో జిమ్‌లో చేసే వ్యాయామమంత సమర్ధవంతమైనది. అదే సమయంలో ఇది వ్యవస్థ మీద ఎటువంటి అనవసరమైన ఒత్తిడిని కలిగించదు.

ఈ సాధనతో మనం ముఖ్యంగా చేసేది మన శక్తిని ఒక స్థాయి తీసుకెళ్ళి, దానిలో ఒక  సమగ్రతను తీసుకురావటమే.

‘అంగమర్దన’ అంటే అర్ధం మీ అవయవాల మీద ఆధిపత్యం, లేదా నియంత్రణ కలిగి ఉండడం. మీరు ఏ పని చేయదలచుకున్నా, మీ అవయవాల మీద ఎంత నియంత్రణ కలిగి ఉన్నారన్న విషయమే మీరు ఆ పనిని ఎంత బాగా చేయగలరనే దానిని నిర్ణయిస్తుంది. నేను ఒక క్రీడాకారుల జట్టులోనో,  మరో దాంట్లోనో చేరి రాణించడం గురించి మాట్లాడడం లేదు. మీరు మీ మనుగడ కోసం చేసే పనులకు, మీ ముక్తి కోసం చేసేపనులకు మధ్య ఉన్న వ్యత్యాసం గురించి మాట్లాడుతున్నాను. మీరు మీ ముక్తి కోసం ఏదైనా చేయాలంటే, మీ అవయవాల మీదు మీకు కొంత నియంత్రణ ఉండాలి.

మీరు దీన్ని కేవలం ఒక వ్యాయామంగా చూసినా అంగమర్దన సరితూగుతుంది. కండరాలను దృఢం చేయడం, కొవ్వు తగ్గించటం అనేవి కేవలం సహ ప్రయోజనాలు మాత్రమే. ఈ సాధనతో మనం ముఖ్యంగా చేసేది మన శక్తిని ఒక స్థాయి తీసుకెళ్ళి, దానిలో ఒక  సమగ్రతను తీసుకురావటమే.  అసలు విషయం ఏమిటంటే మిమ్మల్ని మీరు పూర్తి సామర్ధ్యంతో పనిచేసే వ్యక్తిగా మలచుకోవాలి. ఎందుకంటే పూర్తి సామర్ధ్యంతో పనిచేసే వ్యక్తిని మాత్రమే అత్యున్నత విషయాలను గ్రహించగలిగే స్థాయికి తీసుకెళ్ళగలం.

యోగాలో మీరు ఒక అనుభవం కోసం తాపత్రయపడరు, మీరు కేవలం దాన్ని పొందేందుకు సంసిద్ధులవుతారు, అంతే.

ఒక వ్యక్తి నడిచే పద్ధతిని చూస్తే, అతను సరైన శారీరిక వ్యాయామం చేసాడా, లేదా అనేది స్పష్టమౌతుంది. ఒక వ్యక్తి ముఖం చూస్తే, అతను తన మెదడును సరిగ్గా ఉపయోగించుకున్నాడా, లేదా చెప్పవచ్చు. అలాగే మీరు నిశితంగా చూస్తే, ఒకరి శక్తి సరిగ్గా ఉత్తేజితం చేయబడిందా, లేదా అనేది స్పష్టంగా తెలుస్తుంది. ఒకరు ఏమి చేయగలరో, ఏమి చేయలేరో నిర్ణయించబడేది దీని ఆధారంగానే..

మీ శక్తులపై మీకు పూర్తి నియంత్రణ  ఉంటే, మీరు వాటిని విస్ఫోటనం చెందించవచ్చు. చాలా మంది ఏవో పెద్ద అనుభూతులను కోరుకుంటారు, కానీ దానికి అనుగుణంగా, అంటే ఆ అనుభూతులను పొందేందుకు యోగ్యంగా శరీరాన్ని మలచుకోవటానికి వారు సుముఖంగా ఉండరు. యోగాలో మీరు ఒక అనుభవం కోసం తాపత్రయపడరు, మీరు కేవలం దాన్ని పొందేందుకు సంసిద్ధులవుతారు, అంతే. అందుకు మీ అవయవాల మీద మీకు కొంత నియంత్రణ ఉండాలి.

ప్రేమాశీస్సులతో,
సద్గురు

 

సాంప్రదాయ హఠ యోగాని శుద్ధరూపంలో అందించాలి అనేది సద్గురు ఆశయం. అసలైన హఠ యోగాని నేర్పించే యోగా టీచర్లను తయారుచేయటం కోసం 'ఈశా హఠ యోగా స్కూల్‌' వారు 21 వారాల టీచర్ ట్రైనింగ్ కార్యక్రమాన్ని అందిస్తున్నారు. మరిన్ని వివరాలకు 08300097444కి కాల్ చేయండి, లేదా  info@ishahathayoga.com కి ఈమెయిల్ చేయండి.

 
 
  0 Comments
 
 
Login / to join the conversation1