இறந்தபின் கட்டை விரல்களைக் கட்டுவது ஏன்?
ஒருவர் மரணமடைந்தவுடன், அந்த உடலை வடக்கு தெற்காக வைப்பது, கால் கட்டைவிரல்கள் ஒன்று சேர்த்துக் கட்டுவது போன்ற சடங்குகளை எதற்காகச் செய்கிறார்கள்?
 
 

Question:ஒருவர் மரணமடைந்தவுடன், அந்த உடலை வடக்கு தெற்காக வைப்பது, கால் கட்டைவிரல்கள் ஒன்று சேர்த்துக் கட்டுவது போன்ற சடங்குகளை எதற்காகச் செய்கிறார்கள்?

சத்குரு:

இறப்பு நேர்கிற நொடியில் இருந்து அல்லது இறப்பு நேர்வதற்கு முன்பிருந்தே ஒரு மனிதன் பயனுள்ள வகையில் இறந்து போவதற்கு என்னென்ன செய்யலாம் என்று இந்தக் கலாசாரத்தில் பல வழிகள் சொல்லப்பட்டிருக்கின்றன. ஒருவருக்கு மரணம் நெருங்குகிற வினாடியில், அது குறித்து தெரிந்தவர்கள் ஒருவித சுலபத்துடன் மரணம் நிகழ வேண்டுமென்பதற்காக, அந்த மனிதரை வீட்டுக்கு வெளியே கொண்டுபோய், வடக்கு தெற்காக உடலைக் கிடத்துவார்கள். ஏனெனில், ஒரு கட்டடத்துக்குள் இருக்கிறபோது அவ்வளவு சுலபமாக உயிர் பிரியாது. தலை வடக்கு நோக்கி வைக்கப்படும்போது காந்த ஈர்ப்பு காரணமாக அந்த உயிர் உடலைவிட்டு எளிதாகப் பிரியும்.

மூலாதாரம் திறந்திருக்கிறபோது அந்த உடலின் உள்ளே நுழைய வேறு சில ஆவிகளும் முயலக்கூடும்.

மரணம் நிகழ்ந்த பிறகுகூட பிராண சக்தி ஸ்தூல உடலை விட்டு முழுவதும் அகன்றுவிடுவதில்லை. எனவே, அந்த உயிர் உடலை சுற்றிக் கொண்டே இருக்கிறது. ஆனால், உடல் வடக்கு தெற்காக வைக்கப்பட்டு உயிர் பிரியும்போது அந்த உடலில் சில மாற்றங்கள் நிகழ்கின்றன. எனவே, அந்த உடலைச் சுற்றிக்கொண்டு இருப்பது பயன் தராது என்று அந்த உயிருக்குத் தெரிந்துவிடுகிறது. மற்ற சூழ்நிலைகளில் உயிரானது தொடர்ந்து உடலுக்குள் நுழைய முயற்சிக்கும். இந்தப் போராட்டம் அந்த இடத்தில் ஒருவிதமான சக்தியை ஏற்படுத்தும். இது இறந்துபோன மனிதருக்கும் நல்லதல்ல, வாழ்கிறவர்களுக்கும் நல்லதல்ல.

இன்னொரு முக்கிய சடங்கு, இறந்த மனிதரின் இரண்டு கால் கட்டை விரல்களும் ஒன்றாகக் கட்டப்படுவது. பொதுவாகவே மரணம் நிகழ்கிறபோது கால்கள் அகலமாகத் திறந்துகொள்கின்றன. அந்த நிலையில் பின்புறத் துவாரம் திறந்திருக்கும். எனவே பிரிந்து போன உயிர் அந்த மூலாதாரம் வழியே உள்ளே நுழைய முயலும். அது அந்த உயிருக்கும் அந்தச் சூழலுக்கும் நல்லதல்ல.

எனவே, கால் கட்டை விரல்களைக் கட்டுவதன் மூலம் மூலாதாரம் மூடப்படுகிறது. யோகக் கிரியைகள் செய்வதற்காக நீங்கள் கால்கட்டை விரல்களை ஒன்று சேர்க்கும்போது பின்புறத் துவாரம் இயல்பாகவே மூடிக்கொள்ளும். இதையேதான் இறந்தவர்களுக்கும் செய்கிறார்கள். எனவே உடலை கைக்கொள்ளலாம் என்கிற அந்த உயிரின் முயற்சி இப்போது பலிக்காது.

மூலாதாரம் திறந்திருக்கிறபோது அந்த உடலின் உள்ளே நுழைய வேறு சில ஆவிகளும் முயலக்கூடும். மாந்திரீகப் பயிற்சி மேற்கொள்பவர்களும் அந்த உடலைப் பயன்படுத்தக்கூடும். அப்படி அந்த உடல் வேறு விதத்தில் பயன்படுத்தப்பட்டால், அது பிரிந்து சென்ற ஆன்மாவைப் பலவிதங்களில் துன்புறுத்துவதாக இருக்கும். அதனால்தான் ஒரு மனிதர் இறந்துவிட்டார் என்று தெரிந்ததும் அவரின் கால் கட்டைவிரல்கள் ஒன்று சேர்த்துக் கட்டப்படுகின்றன!

 
 
 
 
Login / to join the conversation1
 
 
4 வருடங்கள் 8 மாதங்கள் க்கு முன்னர்

உயிர் எதார்த்த நிலையில் உள்ளது என்று முந்தைய பதிவில் கூறியிருக்கிறீர்கள், நம் கலாச்சார விஷயங்களை நீங்கள் எந்த மொழியில் கற்றுக்கொண்டீர்கள்?அல்லது முன்னோர்கள் சொல்லி அதை கேட்டவர்கள் சரியான புரிதலோடு மற்றவர்களுக்கும் சொல்லிவைத்தார்கள் என்பதை எப்படி நிருபிப்பீர்கள்? ஆவிகளைப்பற்றி உங்களுக்குத் தெரிந்தால் உயிர்பிரிந்த பிறகு ஆன்மாக்களின் முயற்சிகளை நீங்கள் ஆவிகள் மூலம் தெரிந்துகொண்டீர்கள் என்பதை மற்றவர்களுக்கு எப்படி நிருபிப்பீர்கள்? சடங்குகள் ஏன் ஒவ்வொரு மதத்தினருக்கும் மாறுபடுகிறது? அகால மரணங்களில் ஆன்மாவின் நிலை என்ன?

3 வருடங்கள் 7 மாதங்கள் க்கு முன்னர்

Sir, why should he prove anything to you? whatever he said, either you believe or you leave it. there is no need to prove anything to anyone. people like you, question everything. even if it is written in veda, you will ask "how to believe what they've written? whats the proof it is true.". so, better you find the answer by using your intelligence and prove the world with your scientific data.

3 வருடங்கள் 7 மாதங்கள் க்கு முன்னர்

don"t preach others unless you can prove.You people fooling others by preaching all these .

3 வருடங்கள் 6 மாதங்கள் க்கு முன்னர்

உயிர் பிரியும் போது உடலில் வலி ஏற்படுமா ?

2 வருடங்கள் 4 மாதங்கள் க்கு முன்னர்

sathguru sonathu thapu ne vachikalam.. ivalo kelvi ketkuringala.. enga athula oru kelvikachu neenga answer panunga pakalam??