வாழ்நாள் சாதனையாக இருந்த கைலாஷ் யாத்திரை இன்று ஓரிரு வாரத்தில் சென்று திரும்பக்கூடிய பயணமாக மாறியுள்ளது. கைலாஷ் யாத்திரை செல்ல நினைப்பவர்களின் தன்மை எப்படிப்பட்டதாக இருக்க வேண்டும் என்பதையும், கைலாஷ் யாத்திரையின் சிறப்புகளையும் சத்குரு இங்கே எடுத்துரைக்கிறார்!

பார்வதி தேவி சிவனிடம் ஞானம் பெறுவதற்கு மேற்கொண்ட பல கடும் தவங்களும், சில சாதுர்ய வாதங்களும், சத்குரு சொல்லிக் கேட்கும்போது இன்னும் சுவாரஸ்யம் கூடுகிறது. பார்வதி சிவனிடமிருந்து ஞானம்பெற்ற பிரத்யேகமான ஒரு வழிமுறை பற்றியும், கணபதி பிறந்தது எப்படி என்பதையும் விளக்கும் இந்த வீடியோ பதிவு, பல புராண நிகழ்வுகளை உள்ளடக்கியதாக அமைந்துள்ளது!

‘வாமா’ எனப்படும் கைலாயத்தின் வடக்குமுகம் குறித்த தவறான புரிதல்கள் உள்ளன. பில்லி-சூனியம் போன்ற எதிர்மறை செயலுக்குரியது வாமாச்சாரம் என பலர் நினைத்துக்கொள்கிறார்கள். இந்த பார்வையை முற்றிலும் மாற்றும் விதமாக அமைகிறது சத்குருவின் இந்த விளக்கம்! மேலும், கைலாயத்தின் வடக்கு முகம் சார்ந்த அம்சமாக விளங்கும் வீரபத்ரா பற்றிய குறிப்புகள், காட்சி வடிவமாக இந்த வீடியோவில் விளக்கப்படுகிறது.

கைலாஷின் தெற்கு முகத்திற்குள்ள தனிச்சிறப்புகள் குறித்து பேசும் சத்குரு, பக்தி - சக்தி - புத்தி ஆகிய மூன்றும் இருந்தும், அகங்காரத்தினால் இலங்கை வேந்தன் இராவணன் பட்ட கஷ்டங்கள் நஷ்டங்கள் பற்றி சொல்கிறார். ஆத்மலிங்கத்தை இராவணனிடமிருந்து சாதுர்யமாகப் பறித்த கணபதி, இராவணனின் 'டோலி'னால் கைலாஷின் தென்முகத்தில் உண்டான கோடு போன்ற சுவாரஸ்யமான கதைகளை சத்குரு நகைச்சுவையோடு விவரித்த வீடியோ இங்கே உங்களுக்காக!

மருத்துவ பரிசோதனையில் கண்டறிய முடியாமல் பல வாரங்களாய் தொடர்ந்த மர்மக் காய்ச்சலால் அவதிப்பட்ட அனுபவத்தை விளக்கும் சத்குரு, கைலாஷ் மலையில் பொங்கிப்பெருகும் சக்திவெள்ளத்தால் தன் உடல்நலத்தை மீட்டெடுத்த அற்புதத்தைப் பற்றி விரிவாகப் பேசுகிறார். இந்த வீடியோ மூலம் கைலாஷின் அளப்பரிய சக்தியின் தன்மை நிச்சயம் புரியும்!

'சிவன்' அழிக்கும் கடவுள் என்று அஞ்சும் பலர், தங்கள் வீட்டில் சிவனின் படத்தைக் கூட வைத்துக்கொள்வதில்லை. குறிப்பாக அவர் நம்மிடம் உள்ள செல்வத்தை அழித்து, நம்மை ஒன்றுமில்லாமல் செய்துவிடுவார் என நினைக்கிறார்கள். உண்மையில், சிவன் நம்மை அழிப்பாரா? இந்த அபத்தமான நம்பிக்கையை அகற்றி உண்மையை விளக்குகிறார் சத்குரு!

சிவன் எங்கே பிறந்தார்? அவரின் தாய்-தந்தையர் யார் என்ற எந்த விவரமும் நம்மிடம் இல்லை. ஆனால், அவர் கைலாசத்தில் இருப்பார் எனச் சொல்வதுண்டு. சிவனின் பூர்வீகம் பற்றி இந்த வீடியோவில் பேசும் சத்குரு, சிவன் இந்த உலகைச் சேர்ந்தவரில்லை எனச் சொல்கிறார். அப்படியென்றால் சிவன் வேற்றுலகத்தவரா?! உண்மையென்ன என்பதை வீடியோவைப் பார்த்து தெரிந்துகொள்ளுங்கள்!

வேற்றுகிரக உயிர்களை பார்த்தவர்கள் யாரேனும் உண்டா? அவர் என்ன பார்த்தார் என்பதை நீங்கள் கேட்டதுண்டா? அப்படியொருவரின் அனுபவத்தை கேட்க நேர்ந்தால்...! அதுவும் அவர் சத்குருவாக இருந்தால்... ஆம்! மானசரோவர் ஏரியில் தான் கண்ட வேற்றுகிரக உயிர்களைப் பற்றி இந்த வீடியோவில் பேசுகிறார் சத்குரு!

ஆன்மீகத் தேடலில் பலவித துன்பங்களைச் சந்தித்து வெற்றிகண்ட மிலரபாவின் பங்கு திபெத்திய புத்தமத வரலாற்றில் மிக முக்கியமானது. செய்வினை செய்பவராக இருந்த மிலரபா புத்தமத குருவாக மாறியது எப்படி? மந்திரக்காரராக இருந்து பின், ஆன்மீக ஞானத்தை அடைந்ததையும், அவர் எதிர்கொண்ட நெஞ்சை நொறுக்கும் அனுபவங்களையும் கதை வடிவில் நம்முடன் பகிர்ந்துகொள்கிறார் சத்குரு!

திபெத்திய புத்த மதத்தில் ஒருவர் முக்தி அடைய 16 ஜென்மங்கள் எடுக்க வேண்டுமாம்! அல்லது ஒரே ஜென்மத்தில் முக்தி அடைய வேண்டுமானால் அதற்கான வழிமுறையைக் கேட்பவர்கள் அதிர்ச்சியில் ஆழ்ந்து விடுகிறார்களாம்! திபெத்திய புத்த மதம் பற்றிய இதுபோன்ற அதிர்ச்சியும் அழகும் நிறைந்த தகவல்களை நம்முடன் பகிர்கிறார் சத்குரு.

நேபாளத்தில் அமையப்பெற்றுள்ள தட்சின காளி கோயிலின் சிறப்பு குறித்து இந்த வீடியோவில் விளக்குகிறார் சத்குரு. ஆக்ஞா சக்ரத்தின் மூன்று தன்மைகளையும் பெண் ரூபமாக அமைக்கப்பட்டுள்ள தட்சின காளியைப் பற்றி சத்குரு கூற கேட்கலாம்!

புத்த மதம் திபெத்தைச் சேர்ந்தது என்ற ஒரு தவறான கருத்து உள்ளது. இந்தியாவிற்கும் புத்த மதத்திற்கும் சம்பந்தம் இல்லையா? புத்தர் இந்து மத சடங்குகளை பின்பற்றாததற்கான காரணம் என்ன? புத்தரை தன் உள் அனுபவத்தால் உணர்ந்த ஒரு ஞானியின் வாயிலாக புத்த வரலாற்றை அறிந்துகொள்வது முற்றிலும் மாறுபட்ட அனுபவம். ஆம்! புத்தர் குறித்தும் புத்தமத வரலாறைப் பற்றியும் இந்த வீடியோவில் பேசுகிறார்.

கடவுள் நம் கலாச்சாரத்தில் ஒரு கருவியாக உபயோகப்படுத்தப்பட்டு வந்துள்ளதை இந்த வீடியோவில் விளக்குகிறார் சத்குரு. கடவுளை உபயோகிக்கும் முறையை தெரிந்துகொண்டால் திறக்காத பல சூட்சும கதவுகளை திறக்க முடியும் என்ற உண்மையை கணித மேதை இராமானும் பெற்ற அனுபவத்தை சுட்டிக்காட்டி விளக்குகிறார்!

ஒரு சிலர் ஏதோ ஒன்றின் மேல் மட்டும் பக்தியாக இருப்பார்கள். இந்த பக்தி நமக்குப் போதுமானதா? சத்குருவின் பக்தி எந்த மாதிரி...?! இந்த வீடியோவில் சத்குருவின் வாயிலாக விடை கிடைக்கிறது.

'பக்தி' எனும் பெயரில் பல முட்டாள்தனங்கள் அரங்கேறுவதைப் பார்க்கிறோம். பக்தி என்பது நாம் அணியும் உடையிலோ அல்லது நாம் செய்யும் பாவனையிலோ இருப்பதா? உண்மையான பக்திநிலை எப்படிப்பட்டது? ஈஷாவில் பக்தி மார்க்கம் உள்ளதா? இத்தனை கேள்விகளுக்கும் இந்த வீடியோவில் தனக்கே உரிய நகைச்சுவைப் பேச்சின் மூலம் விடை பகிர்கிறார் சத்குரு!