காவேரி கூக்குரல்

இனியும் பொறுப்பில்லாமல் இயற்கையை கையாண்டால் என்ன நடக்கும்? நம்மால் கற்பனை செய்யக்கூட முடியாத அளவிற்கு பேரழிவை நாம் எதிர்நோக்கி இருக்கிறோம் என்று தோன்றுகிறது. உணவில்லாமல் மக்கள் பிழைத்துக் கொள்ளலாம். ஆனால் தண்ணீர் இல்லாமல் ஒருநாள், அல்லது அதிகபட்சம் இரண்டு நாட்கள் தாண்டி இருக்கமுடியுமா?

மேற்குத் தொடர்ச்சி மலைகளில் பல ஆறுகளை ஆராய்ந்து இருக்கிறோம். (100க்கும் மேற்பட்ட) ஆறுகள் மேற்குத் தொடர்ச்சி மலைகளில் உதிக்கின்றன. ஓடையின் வடிநில பகுதிகளில் குறைந்தது 60% நிலப்பரப்பில் நாட்டு ரக மரங்கள் இருந்தால், அந்த ஓடையில் 12 மாதமும் போதுமான அளவு நீர் ஓட்டம் இருப்பதை பார்த்திருக்கிறோம்.

நதிகளில் ஓடும் நீருக்கு பெரும்பாலும் மழைநீர் மற்றும் நிலத்தடி நீர்தான் ஆதாரமாக உள்ளது. நதிகளுக்கு புத்துயிரூட்ட வேண்டுமெனில், மரம்செடிகளுக்கும்-நீருக்கும் இடையேயான உறவை அறிந்து விஞ்ஞானப்பூர்வமாக அதை அணுகவேண்டும்.

நதிகளை மீட்போம் பரிந்துரையின் சில முன்மாதிரி பயிர்வளப்பில், ஒரே சமயத்தில் குறுகிய கால பயிர்களையும் நெடுங்கால மரவளர்ப்பும் சேர்த்தே பயிரிடமுடியும் என்பதைக் காண்பித்துள்ளார்கள். இதன்மூலம் விவசாயிகளுக்கு முதல் ஆண்டில் இருந்தே வருமானம் கிடைக்கும்.

நதியின் இரு கரைகளிலும் மரம் நடுவது, நதியில் தொடர்ந்து நீர் ஓட்டம் இருக்க வழிசெய்கிறது. அதோடு மண்ணின் ஈரப்பதத்தை அதிகரித்து நிலத்தடி நீர் அதிகரிக்கவும் உதவுகிறது. இது மகசூலை அதிகரித்து விவசாயிகளுக்கு பெரும் வரமாக அமைவதோடு நம் நதிகளுக்கும் புத்துயிரூட்டுகிறது.