ஈஷாவில் நடந்தவை…

`தி நியு இந்தியன் எக்ஸ்ப்ரஸ்` குழுமம், கோவையில், `ஆரோக்கியம் எக்ஸ்போ - 2014`, எனும் பெயரில் உடல் ஆரோக்கியம் மற்றும் ஃபிட்னஸ் குறித்த மாபெரும் கண்காட்சியை கடந்த இரு நாட்களாக (மார்ச் 15, 16) நடத்தி வருகின்றனர். இதில் ஆரோக்கியம் சார்ந்த பொருட்கள் மற்றும் சேவைகளுடன் கோவையின் முன்னணி மருத்துவ குழுமங்கள் பங்கேற்கின்றனர். இக்கண்காட்சியில், ஈஷாவின் மருத்துவத் துறையான, ஈஷாஆரோக்யாவும் பங்கேற்கிறது.

சென்னைச் சேர்ந்த ஸ்கோப் இன்டர்நேஷனல் நிறுவனம், ஈஷா பசுமைக் கரங்களுடன் சேர்ந்து பசுமை விரிவாக்கத்தில் ஈடுபட்டுள்ளது. இதன் வழியில், அந்த நிறுவனத்தை சேர்ந்த ஊழியர்கள், சென்னை ஊரப்பாக்கத்தில் அமைந்துள்ள பசுமைக் கரங்கள் நர்சரியில் தங்கள் கரங்களால் விதை விதைத்தும், பராமரித்தும் தங்கள் ஈடுபாட்டை வெளிப்படுத்தினர்.