ഭാരതീയ പാരമ്പര്യം അനുസരിച്ച് ഗുരുപൂർണിമ അനേകായിരം വർഷങ്ങളായി സന്തോഷപൂർവം ആഘോഷിച്ചു കൊണ്ടിരിക്കുന്നു. ഇതുമായി ബന്ധപ്പെട്ട ചില കഥകളാണ് സദ്ഗുരു പങ്കു വെക്കുന്നത്. ആദ്യ ഗുരുവായ ആദിഗുരു യോഗയുടെ ശാസ്ത്രം സപ്തഋഷികൾ എന്നറിയപ്പെടുന്ന ഏഴു മുനികളുമായി പങ്കു വെച്ചത് മുതൽ , ഗൗതമ ബുധൻ തന്‍റെ ശിഷ്യർക്ക് നൽകിയ നിർദേശങ്ങളും, സാധകർ ആ സമയത്തു നടത്തിയ യാത്രകളും അതിൽ ഉൾപ്പെടുന്നു.

എന്തു കൊണ്ടാണ് ആദിയോഗി സപ്തര്‍ഷികളില്‍ ഓരോരുത്തര്‍ക്കും, യോഗയുടെ ഏഴു തലങ്ങളില്‍ ഓരോന്നു മാത്രം പകര്‍ന്നു നല്‍കിയത്? ഊര്‍ജ്ജശരീരത്തെ ശക്തിപ്പെടുത്തുകയെന്ന ഏറെ സമയമെടുക്കുന്ന കര്‍മ്മത്തെക്കുറിച്ച് സദ്ഗുരു ചര്‍ച്ച ചെയ്യുന്നു. സപ്തര്‍ഷികളുടെ ഗുരുദക്ഷിണയെക്കുറിച്ചുള്ള കഥയും അദ്ദേഹം പറയുന്നു.