ಕರ್ಮವನ್ನು ನಿರಂತರವಾಗಿ ಹಲವು ವಿಧಗಳಲ್ಲಿ ದಾಖಲಿಸಲಾಗುತ್ತಿರುವಾಗ, ಅದು ನಮ್ಮನ್ನು ದುಃಖದಲ್ಲಿರಿಸಲೊಂದು ವಿಸ್ತಾರವಾದ ಬಲೆಯಲ್ಲವೇ ಎಂದು ಸಾಧಕರೊಬ್ಬರು ಸದ್ಗುರುಗಳನ್ನು ಕೇಳುತ್ತಾರೆ. ನೀವು ವಿವಶತೆಯಿಂದ ಜೀವಿಸದೆ ಆಯ್ಕೆಯಿಂದ ಜೀವಿಸುತ್ತಿದ್ದರೆ, ಆಗ ನಿಮಗೆ ಯಾವ ರೀತಿಯ ಕರ್ಮವಿದ್ದರೂ, ಅದರಿಂದ ನೀವೇನೂ ಮಾಡುತ್ತೀರಿ ಎನ್ನುವುದು ನಿಮ್ಮ ಕೈಯಲ್ಲಿದೆ ಎಂದು ಸದ್ಗುರುಗಳು ವಿವರಿಸುತ್ತಾರೆ.

ಮನಸ್ಸು ಒಂದು ಅದ್ಭುತವಾದ ಸಾಧನ, ಆದರೆ ದುರದೃಷ್ಟವಶಾತ್, ಬಹುತೇಕ ಮನುಷ್ಯರು ಅದರ ಸಾಮರ್ಥ್ಯಗಳಿಂದ ಪ್ರಯೋಜನವನ್ನು ಪಡೆಯುವುದಕ್ಕಿಂತ ಹೆಚ್ಚಾಗಿ ಅದರಿಂದ ನರಳುತ್ತಿದ್ದಾರೆ. ಯೋಗವು ನಮ್ಮ ಮನಸ್ಸನ್ನು ಮೀರಿ ಮುಂದೆ ಸಾಗಲು ಹೇಗೆ ಒಂದು ಸಾಧನವಾಗಿದೆ ಎಂಬುದನ್ನು ಸದ್ಗುರುಗಳು ಇಲ್ಲಿ ವಿವರಿಸುತ್ತಾರೆ.

ತರ್ಕ ಎನ್ನುವುದು ಬಾಹ್ಯ ಸನ್ನಿವೇಶಗಳನ್ನು ನಿರ್ವಹಿಸಲು ಉಪಯುಕ್ತವಾದರೂ, ಜೀವನದ ಗುಣಮಟ್ಟವನ್ನು ಅದು ವರ್ಧಿಸುವುದಿಲ್ಲ ಎನ್ನುವುದನ್ನು ಸದ್ಗುರುಗಳು ಇಲ್ಲಿ ವಿವರಿಸುತ್ತಾರೆ. ಪರಿಣಾಮಕಾರಿಯಾಗಿ ಇದ್ದುಕೊಂಡೇ ತರ್ಕದ ಹಿಡಿತವನ್ನು ಮೀರಿಹೋಗುವುದು ಧ್ಯಾನದ ವೈಶಿಷ್ಟ್ಯ: "ಆಧ್ಯಾತ್ಮದ ಮಾರ್ಗದಲ್ಲಿ ನೀಡಲಾಗುವ ಎಲ್ಲಾ ಸಾಧನೆಗಳು, ಎಲ್ಲಾ ರೀತಿಯ ಧ್ಯಾನದ ವಿಧಾನಗಳೂ ಕೂಡ ಮೂಲಭೂತವಾಗಿ, ನಿಮ್ಮೊಳಗೆ ನಿರ್ದಿಷ್ಟ ಮಟ್ಟದ ಒತ್ತಡವನ್ನು ಹೇರುತ್ತಿರುವ ನಿಮ್ಮ ತಾರ್ಕಿಕ ಮನಸ್ಸನ್ನು ನಿರ್ವಹಿಸುವುದಕ್ಕಾಗಿಯೇ ಆಗಿದೆ... ಹಾಗಾಗಿ ಧ್ಯಾನವು ಈ ಒತ್ತಡವನ್ನು ಸಡಿಲಿಸುವ ಒಂದು ವಿಧಾನವಾಗಿದೆ. ಅಂದರೆ ತಾರ್ಕಿಕತೆಯ ವಿರೂಪಗಳನ್ನು ಅಳವಡಿಸಿಕೊಳ್ಳದೆಯೇ, ಮನಸ್ಸನ್ನು ಅದರಷ್ಟಕ್ಕೇ ಇರಲು ಬಿಡುವುದು."