ನೀರನ್ನು ಕುಡಿಯುವುದರಲ್ಲೂ ವಿಜ್ಞಾನವಿದೆಯೇ ಅನ್ನಿಸಬಹುದು. ಖಂಡಿತವಾಗಿಯೂ ಇದೆ! ಅಷ್ಟಕ್ಕೂ ನಮ್ಮ ದೇಹದ ಶೇಕಡ 70 ಭಾಗ ನೀರೇ ಅಲ್ಲವೇನು? ಆದ್ದರಿಂದ ನೀರನ್ನು ಕುಡಿಯುವುದರ ಹಿಂದೆ ಅಪಾರ ವಿಜ್ಞಾನವಿದೆ! ಎಂತಹ ನೀರನ್ನು ಕುಡಿದರೆ ಒಳ್ಳೆಯದು? ’ಚಿಲ್’ ಮಾಡಲು ಐಸ್ ಹಾಕಿದ ತಂಪನೆಯ ನೀರನ್ನು ಸೇವಿಸಬಹುದೇ? ತುಂಬಾ ಬಿಸಿಯಾದ ನೀರನ್ನು ಕುಡಿದರೆ ಒಳ್ಳೆಯದೇ? ಆಗಾಗ ನೀರು ಕುಡಿಯುತ್ತಿರಬೇಕೆ? ದಿನಕ್ಕೆ ಎಷ್ಟು ನೀರು ಕುಡಿಯಬೇಕು? ನೀರು ಹೆಚ್ಚು ಅಥವಾ ಕಡಿಮೆ ಕುಡಿಯುವುದರಿಂದ ಆಗುವ ಅಪಾಯಗಳೇನು?

#Yoga #Health ಯೋಗದಲ್ಲಿ ಪಂಚಭೂತಗಳನ್ನು ಶುದ್ಧೀಕರಿಸುವುದು ಅತ್ಯಂತ ಪ್ರಮುಖ ಅಂಶಗಳಲ್ಲಿ ಒಂದು. ನಾವು ಮಾಡಲ್ಪಟ್ಟಿರುವುದೇ ಪಂಚಭೂತಗಳಿಂದ. ನಮ್ಮ ಈ ಮೂಲ ಪದಾರ್ಥಗಳಾದ ನೀರು, ವಾಯು, ಭೂಮಿ, ಅಗ್ನಿ ಮತ್ತು ಆಕಾಶಗಳನ್ನು ಶುದ್ಧೀಕರಿಸುವುದರಿಂದ ಮಹತ್ತರ ಸಾಧ್ಯತೆಗಳತ್ತ ಹೋಗಬಹುದು. ಶುದ್ಧೀಕರಿಸುವ ವಿಧಾನಗಳ ಬಗ್ಗೆ ತಿಳಿದುಕೊಳ್ಳಿ, ಈ ವಿಡಿಯೋದಲ್ಲಿ.

ಸ್ಥಿರವಾದ ದೈಹಿಕ ರಚನೆ ಇಲ್ಲದ ಹೊರತು, ಅಸಾಧಾರಣ ಪ್ರತಿಭೆ ಉಕ್ಕಿ ಹರಿದಾಗ ಅದು ಘಾಸಿಯಾನ್ನುಂಟು ಮಾಡುತ್ತದೆ ಎಂದು ಸದ್ಗುರುಗಳು ವಿವರಿಸುತ್ತಾರೆ.

ಗಂಗಾಜಲ ಪವಿತ್ರ ಎಂಬುದು ಎಲ್ಲರ ಮನಸ್ಸಲ್ಲಿ ಅಚ್ಚಾಗಿರುವ ಸಂಗತಿ. ಅದು ಕೇವಲ ನಂಬಿಕೆಯೇ ಅಥವಾ ಅದರ ಹಿಂದೆ ವೈಜ್ಞಾನಿಕ ಕಾರಣಗಳಿವೆಯೇ ಎಂಬ ಕುರಿತು ಸದ್ಗುರುಗಳ ಮಾತು.

ಕೇಂದ್ರ ಪರಿಸರ, ಅರಣ್ಯ ಹಾಗೂ ಹವಾಮಾನ ಬದಲಾವಣೆ ಖಾತೆ ಸಚಿವ ಶ್ರೀ ಪ್ರಕಾಶ್ ಜಾವಡೇಕರ್ ಮತ್ತು ಸದ್ಗುರುಗಳ ನಡುವೆ ಸೆಪ್ಟೆಂಬರ್ 3ರಂದು ನಡೆದ ಸಂವಾದ. ಸೆಪ್ಟೆಂಬರ್ 3 - ನದಿಗಳ ಪುನರುಜ್ಜೀವನಕ್ಕೆಂದು ಮುಡಿಪಾಗಿಟ್ಟ ದಿನ. ಈ ವರ್ಷದ ಈ ದಿನದಂದು, ನದಿಗಳ ಪುನರುಜ್ಜೀವನದ ಕುರಿತು ಸರಣಿ ಕಾರ್ಯಕ್ರಮಗಳು ನಡೆದವು.

ನಾವು ಯಾವತ್ತೂ ನದಿಗಳನ್ನು ಬರೀ ಜಲಾಶಯವಾಗಿ, ಅಥವಾ ಒಂದು ಭೌಗೋಳಿಕ ಸಂಗತಿಯಾಗಿ ನೋಡಲಿಲ್ಲ. ನಾವು ಯಾವಾಗಲೂ ನದಿಗಳನ್ನು ನಮ್ಮ ಜೀವನದ ಜೀವಸೆಲೆಯಾಗಿ ನೋಡಿದೆವು, ಮತ್ತು ಅವುಗಳನ್ನು ಆರಾಧಿಸಿದೆವು.

ಇಂದು ರಾತ್ರಿ 9 ಗಂಟೆಗೆ , 9 ನಿಮಿಷಗಳ ಕಾಲ ದೀಪ, ಮೋಂಬತ್ತಿ ಅಥವಾ ಟಾರ್ಚ್ ಲೈಟ್ ಅನ್ನು ಬೆಳಗಿಸುವಂತೆ ಪ್ರಧಾನಮಂತ್ರಿಗಳು ಕರೆ ಕೊಟ್ಟಿದ್ದಾರೆ. ದೀಪ ಬೆಳಗುವುದು ಕೇವಲ ಸಾಂಕೇತಿಕವೇ? ಇದಕ್ಕೆ ಬೇರೆ ಮಹತ್ವವೇನಾದರೂ ಇದೆಯೇ? ದೀಪ ಬೆಳಗುವುದರಿಂದ ಯಾವ ಪ್ರಯೋಜನಗಳಿವೆ? ಕೇಳಿ, ಸದ್ಗುರುಗಳ ಮಾತುಗಳನ್ನು.

ಆಹಾರ ಸೇವಿಸೋ ಮುನ್ನ, ಈ ಚಿಕ್ಕ ಪ್ರಕ್ರಿಯೆಯನ್ನು ಮಾಡಿ

ಯೋಗವಿಜ್ಞಾನದಲ್ಲಿ ಪಂಚಭೂತಗಳಿಗೆ ಮಹತ್ತರವಾದ ಸ್ಥಾನವಿದೆ. 'ಆಕಾಶ' ಪಂಚಭೂತಗಳಲ್ಲಿ ಒಂದು. ಆದರೆ ಇದು ಪಂಚಭೂತಗಳಲ್ಲೇ ಅತ್ಯಂತ ನಿಗೂಢ ಹಾಗೂ ವಿಸ್ಮಯಕಾರಿಯಾದದ್ದು! ಅಲ್ಲದೇ, ಈಥರ್ (Aether) ಎಂಬ ಪದಾರ್ಥದ ಇರುವಿಕೆಯನ್ನು ಪುರಾತನ ಮತ್ತು ಮಧ್ಯಕಾಲೀನ ವಿಜ್ಞಾನ ಪ್ರಪಂಚ ಪ್ರತಿಪಾದಿಸಿತ್ತು. ಆಧುನಿಕ ವಿಜ್ಞಾನ ಸ್ಪೇಸ್(Space) ಬಗ್ಗೆ ತೀವ್ರವಾಗಿ ಸಂಶೋಧನೆಗಳನ್ನು ನಡೆಸುತ್ತಿದೆ. ಹಾಗಿದ್ದರೆ 'ಆಕಾಶ' ಎಂದರೆ ಇವುಗಳಲ್ಲಿ ಯಾವುದು? ವಿಜ್ಞಾನಿಗಳು ಮಾತನಾಡಿದ್ದ 'ಈಥರ್' ಗೂ 'ಆಕಾಶ'ಕ್ಕೂ ನಂಟಿದೆಯೇ? 'ಆಕಾಶ'ಕ್ಕೆ ನಮ್ಮ ಬದುಕಿನಲ್ಲಿರುವ ಮಹತ್ವವೇನು? ಅದರ ಅಗಾಧತೆಯೇನು? ಚಿಕ್ಕ ಅಣುವಿನಿಂದ ಹಿಡಿದು, ಬೃಹತ್ ಆಕಾಶಕಾಯಗಳ ವರೆಗೆ ಸೃಷ್ಟಿಯಲ್ಲಿ ಸಾಮ್ಯತೆಯಿದೆಯೇ? ಅದೇಕೆ ಅಷ್ಟೊಂದು ನಿಗೂಢ? ಕೇಳಿ, ಸದ್ಗುರುಗಳ ಮಾತುಗಳಲ್ಲಿ!

ನಮ್ಮ ಪ್ರಭಾವಳಿ ಅಥವಾ ಆರಾ (Aura), ನಮ್ಮ ಕುರಿತು ಅನೇಕ ವಿಷಯಗಳನ್ನು ಹೇಳುತ್ತದೆ. ಇದನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳುವುಸು ಹೇಗೆ ಎಂಬುದರ ಕುರಿತು ಸದ್ಗುರುಗಳ ಮಾತು.

ಕೆಲವರು ಜನರನ್ನು ಮುಟ್ಟಿಸಿಕೊಳ್ಳೋಲ್ಲ, ಉಪ್ಪನ್ನು ನೇರವಾಗಿ ಮತ್ತೊಬ್ಬರ ಕೈಯಿಂದ ತೆಗೆದುಕೊಳ್ಳೋಲ್ಲ, ದಿನಕ್ಕೆ ಎರಡು ಬಾರಿಯಾದರೂ ಸ್ನಾನ ಮಾಡುತ್ತಾರೆ. ಇವೆಲ್ಲವೂ ಕೇವಲ ಶಾಸ್ತ್ರವೇ? ಅಥವಾ ಕಾರಣವೇನಾದರೂ ಇದೆಯೇ? ವಿಡಿಯೋ ನೋಡಿ.

"ನೀವು ನೋಡದ ದೇವರನ್ನು ಆದರಿಸ್ತೀರ, ನಾನು ನೋಡಿರೋ ದೇವರನ್ನ ಆದರಿಸ್ತೀನಿ" ಎಂದು ತಾವು ನೀರನ್ನು ಏಕೆ ಗೌರವದಿಂದ ಕಾಣುತ್ತಾರೆ ಎಂದು ಸದ್ಗುರು ವಿವರಿಸುತ್ತಾರೆ.

'ದೃಷ್ಟಿ ಬೀಳುತ್ತೆ’, ದೃಷ್ಟಿ ಬಿದ್ದರೆ ಹಾಗಾಗುತ್ತೆ ಹೀಗಾಗುತ್ತೆ ಅಂತ ಮನೆಯಲ್ಲಿ ಹಿರಿಯರಿದ್ದರೆ ಹೇಳಿದ್ದನ್ನು ಕೇಳಿರುತ್ತೀರಿ. "ದೃಷ್ಟಿ ತೆಗೆಯಬೇಕು" ಅಂತಲೂ ಅವರು ಹೇಳುತ್ತಿರುತ್ತಾರೆ. ಈ ’ದೃಷ್ಟಿ ಬೀಳುವುದು/ ತಾಕುವುದು" ಅಂದರೆ ಏನು? ಅದು ನಿಜವೇ? ಹಿರಿಯರು ‘ದೃಷ್ಟಿ ತೆಗೆಯುವ’ ಪ್ರಕ್ರಿಯೆ ಮಾಡಿದಾಗ ಅವರು ನಿಜಕ್ಕೂ ಏನನ್ನು ಮಾಡುತ್ತಿರುತ್ತಾರೆ? ಈ ಆಚರಣೆಗಳ ಹಿಂದೆ ನಿಜವಾದ ಕಾರಣವೇನಾದರೂ ಇದೆಯೇ, ಅಥವಾ ಕೇವಲ ಮೂಢನಂಬಿಕೆಯೇ? ಒಮ್ಮೆ ನಕಾರಾತ್ಮಕ ಶಕ್ತಿಗಳು ನಮ್ಮ ಮೇಲೆ ಪ್ರಭಾವ ಬೀರುವಂತಿದ್ದರೆ, ನಾವು ಅವುಗಳಿಗೆ ಈಡಾಗದಂತೆ ನಮ್ಮನ್ನು ನಾವು ನಿರ್ಮಿಸಿಕೊಳ್ಳುವುದು ಹೇಗೆ? ಕೇಳಿ ಸದ್ಗುರುಗಳ ಉತ್ತರವನ್ನು!

ಆಯುರ್ವೇದ ಮತ್ತು ’ಸಿದ್ಧ’ - ಭಾರತದಲ್ಲಿ ಅತ್ಯಂತ ಪುರಾತನವಾದ ವೈದ್ಯಕೀಯ ಪದ್ಧತಿಗಳು. ದೇಶದಲ್ಲೆಲ್ಲೆಡೆ ನಮಗೆ ಆಯುರ್ವೇದ ವೈದ್ಯರು ಕಾಣಸಿಗುತ್ತಾರೆ. ಆಯುರ್ವೇದ ಔಷಧಿಗಳು ಒಳ್ಳೆಯದು, ಇಂಗ್ಲೀಷ್ ಔಷಧಗಳು ಕಾಲಕ್ರಮೇಣ ಆರೊಗ್ಯದ ಮೇಲೆ ಅಡ್ಡಪರಿಣಾಮ ಉಂಟುಮಾಡುತ್ತವೆ ಎಂಬುದು ಕೆಲವರ ವಾದ. ’ಆಯುರ್ವೇದ’ಕ್ಕಿಂತ ಇಂಗ್ಲೀಷ್ ಔಷಧಗಳು ಹೆಚ್ಚು ವೈಜ್ಞಾನಿಕ, ಅದೇ ಒಳ್ಳೆಯದು ಎಂಬುದು ಇನ್ನು ಕೆಲವರ ವಾದ. ಇನ್ನು ’ಸಿದ್ಧ’- ಇದು ಮತ್ತೊಂದು ಬಗೆಯ ಭಾರತೀಯ ವೈದ್ಯ ಪದ್ಧತಿ. ಈ ಪದ್ಧತಿಗಳು ಕೆಲಸ ಮಾಡುತ್ತವೆಯೇ? ಹೌದಾದರೆ ಇವುಗಳ ಸ್ವರೂಪವೇನು? ಈ ವಿಜ್ಞಾನಗಳ ಆಳ-ಅಗಲ ಎಷ್ಟು? ಯಾರು ಈ ಔಷಧಗಳನ್ನು ಕೊಡಬಹುದು? ನಮ್ಮ ಒಳಿತಿಗೆ ಇವುಗಳನ್ನು ನಾವು ಹೇಗೆ ಬಳಸಿಕೊಳ್ಳಬಹುದು?

ಆಧ್ಯಾತ್ಮಿಕತೆಯ ದೃಷ್ಟಿಕೋನದಿಂದ ಆತ್ಮಸಮ್ಮಾನ ಗುರಿಯಾಗದೆ, ಒಂದು ಅಡಚಣೆಯಾಗುವುದು ಹೇಗೆ ಎಂದು ಸದ್ಗುರುಗಳು ವಿವರಿಸುತ್ತಾರೆ. ನೀವು ನಿಜವಾಗಿ ಆತ್ಮಸಮ್ಮಾನಕ್ಕಾಗಿ ಹೋರಾಟ ಮಾಡಬೇಕೆ? ಸದ್ಗುರುಗಳು ವಿವರಿಸುತ್ತಾರೆ, ಆಧ್ಯಾತ್ಮಿಕ ಪಥದಲ್ಲಿರುವ ಒಬ್ಬ ಭಕ್ತ, ಅಸಾಧಾರಣ ವ್ಯಕ್ತಿ ಆಗಲು ಪ್ರಯತ್ನಿಸುವುದಿಲ್ಲ, ಅತಿ - ಸಾಧಾರಣ ವ್ಯಕ್ತಿ ಆಗಲು ಬಯಸುತ್ತಾನೆ.