தாமிரபரணி

ஆற்றின் நீளம்

130 கி.மீ

ஆற்றுப்படுகை நிலம்

4400 சதுர கி.மீ

ஆற்றுப்படுகையில் மக்கள் தொகை

--

ஆற்றுப்படுகையில் உள்ள மாநிலங்கள்

தமிழ்நாடு

ஆற்று நீரை உபயோகிக்கும் முக்கிய நகரங்கள்

திருநெல்வேலி (474,000 மக்கள் தொகை)

ஆற்றின் வறட்சி

  • வறண்ட காலத்தில் வறட்சி அபாயம்: குறைவு
  • மழைக் காலத்தில் வெள்ள அபாயம்: அதிகம்
  • நீர்நிலையில் பருவகாலத்தில் ஏற்படும் மாற்றம்: அதிகம்

பொருளாதார & சுற்றுச்சூழல் முக்கியத்துவம்

  • திருநெல்வேலியிலிருந்து சுமார் 49 கி.மீ தூரத்தில் உள்ள பாபனாசம் அணைக்கட்டு, திருநெல்வேலி மற்றும் தூத்துக்குடியிலும் 85,000 ஏக்கர் பரப்பளவில் உள்ள நெற்கழனிகளுக்கு நீராதாரமாக விளங்குகிறது. இந்த ஆற்றிலும், இதன் கிளைநதிகளிலும் பல்வேறு அணைக்கட்டுகளும், வாய்க்கால்களும் உள்ளன. இங்குள்ள பாபனாசம் நீர் மின்சக்தி நிலையம் 1944களில் முதன்முதலாக தொடங்கப்பட்டு, இன்று சுமார் 28 மெ.வாட் மின்சக்தியை உற்பத்தி செய்கிறது.
  • தாமிரபரணி கடலில் சென்று கலக்கும் முகத்துவாரத்திற்கு முன், சுமார் 9 கி.மீ வழியை, கப்பல் செலுத்தத்தக்கதாக கடற்பயணத்திற்கு ஏற்ப சீர்படுத்தி, 15 கி.மீ தூரத்திலுள்ள தூத்துக்குடி துறைமுகத்துடன் இணைக்கும் தீர்மானத்தை மத்திய அரசு முன்வைத்துள்ளது.
  • தாமிரபரணி உருவாகும் அகத்தியமலை, பொதிகைமலை என்றெல்லாம் அழைக்கப்படும் மலை, சித்த மருத்துவர்கள் கொண்டாடும் பல அருமையான மருத்துவ குணம் படைத்த செடி, கொடிகள் தோன்றுவதற்கு மூலமாக அமைந்திருக்கிறது. மேற்குதொடர்ச்சி மலைகளின் ஒருபகுதியாக உள்ள இந்த இடம் உலகிலுள்ள சிறந்த பல்லுயிர்வாழ் சூழலியல் பகுதிகளில் ஒன்றாக அடையாளம் காணப்பட்டுள்ளது. பல அபூர்வமான, மீன்வகைகள் இங்கு மட்டுமே காணப்படுகிறது. ஆற்றைச் சுற்றிலும் உள்ள சதுப்பு நிலப்பரப்பு சுமார் 90 வகையான பறவை இனங்களுக்கு வாழ்வாதாரமாக உள்ளது.

சமீபத்திய பேரழிவுகள்

வற்றாத ஜீவநதியாக திகழ்ந்த தாமிரபரணி, இந்த வருடம் ஜுன் மாதத்தில், அனேகமாக வற்றி, பாபனாச அணைக்கட்டு மூடப்பட்டது. ஸ்ரீவைகுண்டத்தில் உள்ள பல பெரிய தொழிலகங்களுக்கும், தூத்துக்குடியிலுள்ள நீர் மின்சக்தி நிலையத்திற்கும் நீர் எடுக்கத் தடைவிதித்து மூடப்பட்டது. 1970களில் காணப்பட்ட கடும் வறட்சியில்கூட ஏதோ ஒரு பயிர் நட்டு அறுவடை செய்ய முடிந்தது. ஆனால், இவ்வருடமோ ஒரு பயிர்கூட நட முடியவில்லை. ஆற்றுநீர் வற்றியதால், ஆறுகடலில் கலக்குமிடமான புன்னக்கயல் அருகில் உப்புநீர் உட்புகுந்துள்ளது.

நீர் வற்றியதோடு அல்லாமல், கழிவு நீர்கலப்பு, தொழிலகங்களின் மாசு மற்றும் தேவையற்ற ப்ளாஸ்டிக் பொருள்களை வீசுதல் போன்றவை பெரும் அளவுக்கு நீர்நிலைகளை பாதித்துள்ளது.

ஆன்மீக & கலாச்சார முக்கியத்துவம்

நதிமூலம் ரிஷிமூலம் என்ற கூற்றிற்கேற்ப, இந்த ஆற்றின் மூலம், அகத்திய முனியுடன் தொடர்புடையது. தாமிரபரணி மகாத்மியம் சொல்வதன்படி, பொதிகைமலையில் அகத்தியர் போட்ட தாமரை மலர்களால் ஆன ஒரு சரம், சிவனின் பார்வை பட்டதால் ஒரு அழகிய பெண்ணாக உருவெடுத்து, அதுவே ஒரு நதியாக ஓடியதால், இந்த தெய்வீக பெயர் பெற்றது.

மற்ற பல மரபுவழிக் கதைகளும் இந்த ஆற்றை அகத்தியருடன் தொடர்புபடுத்தி கூறுகின்றன. ஒருமுறை அகத்தியர் ஒன்பது பூக்களை ஆற்றில் மிதக்கவிட்டு, அந்த பூக்கள் எங்கெல்லாம் கரையை தொடுகிறதோ, அங்கெல்லாம் ஒரு சிவலிங்கத்தை நிர்மாணிக்க தமது சீடர்களில் ஒருவரிடம் சொன்னதாகவும், அந்த ஒன்பது கோவில்களும் நவ-கைலாயம் என்று அழைக்கப்பட்டதாகவும் மரபுவழிக் கதைகள் கூறுகின்றன. இவை நவகிரகங்களுடனும் தொடர்புடையதாகும். இந்த ஆறும் கடலும் கூடும் இடத்தில் அச்சீடரை மூழ்கி எழச்சொன்னதால், அவர் முக்தி அடைந்ததாகக் கூறப்படுகிறது.

பொதிகை மலையில்தான் அகத்தியர் முதன்முதலில் தமிழ் இலக்கணத்தை நமக்கு அளித்ததாக கூறப்படுகிறது. பழந்தமிழ் மற்றும் சங்க இலக்கியங்களில் தாமிரபரணி ஆற்றின் பெருமைகள் இடம்பெற்றுள்ளன.

தாமிரபரணி ஆற்றை பொதிகை என்றும் தாமிரபரணி என்றும் அழைத்தனர். இந்த ஆற்றில் தாமிரம் என்ற உலோகம் இருப்பதற்கான தடங்கள் இருக்கிறதாம். தாமிரத்தின் தடம்தான் இதன் நீருக்கு தனிதன்மையான ஒரு மெல்லிய சிவப்புநிறத்தை அளிப்பதாக சொல்கிறார்கள். இந்நதி திருநெல்வேலி மற்றும் தூத்துக்குடியின் வழியாக கிழக்கு நோக்கி ஓடி, மன்னார் வளைகுடாவில் கடலில் கலக்கிறது.

References and Credit

அழியும் நம் நதிகளை பற்றி அறியுங்கள்

#RallyForRivers

View All
    View All
    x
    முன்னெப்போதையும் விட, இப்போது நதிகளை காக்க நாம் செயல்புரிய வேண்டும். #RallyForRivers