சப்போட்டா பலூடா

ஈஷா ருசி

உங்கள் வீட்டிற்கு வரும் விருந்தினர் "பலூடா சூப்பர்" என்று சொல்லி உங்களைப் பாராட்ட வேண்டுமா? இதோ இங்கே கொடுக்கப்பட்டுள்ள சப்போட்டா பலூடாவை செய்து கொடுத்து பாருங்கள்...

தேவையான பொருட்கள்:

சப்போட்டா பழம் - 250 கிராம்
பால் - 250 மி.லி
சர்க்கரை - சிறிதளவு
சாக்லெட் - 10
இளநீர் வழுக்கை, செர்ரி பழம், உலர் திராட்சை - தேவையான அளவு

செய்முறை:

• சப்போட்டாவை உரித்து விதை நீக்கி சதைப் பகுதியை எடுத்துக்கொள்ள வேண்டும்.
• அதனுடன் பால் விட்டு சர்க்கரை கலந்து, சாக்லேட்டுக்களை நசுக்கி தூளாக்கி போட்டு மிக்ஸியில் விழுதாக அரைத்துக்கொள்ள வேண்டும்.
• அதை ஒரு கண்ணாடிக் கோப்பையில் விட்டு, இளநீர் வழுக்கை, செர்ரி, முந்திரி, உலர்திராட்சையை சிறுதுண்டுகளாக நறுக்கிப் போட்டு கலந்து ஃப்ரிட்ஜில் வைத்து பருகினால் சுவையாக இருக்கும்.
• சப்போர்ட்டா பலூடா மிகவும் சத்தானதும் கூட.