ஓட்ஸ் பிரியாணி

சத்தான ஓட்ஸில் கஞ்சி மட்டுமே குடித்து அலுத்துப் போனவரா நீங்கள்? இதோ ஓட்ஸில் சுவையான பிரியாணி, சூடான சப்பாத்தி செய்ய எளிமையான குறிப்புகள். செய்து பாருங்கள்!

ஓட்ஸ் பிரியாணி

தேவையான பொருட்கள்:

ஓட்ஸ் - 150 கி
பட்டாணி - 50 கி
கேரட் - 50 கி
பீன்ஸ் - 50 கி
தக்காளி - 2
பட்டை - சிறிதளவு
கிராம்பு - சிறிதளவு
ஏலக்காய் - சிறிதளவு
புதினா - சிறிதளவு
கொத்தமல்லி - சிறிதளவு
கறிவேப்பிலை - சிறிதளவு
பிரிஞ்சி இலை - 1
இஞ்சி - சிறிதளவு
மிளகாய் தூள் - தேவையான அளவு
உப்பு - தேவையான அளவு
எண்ணெய் - 50 மிலி
நெய் - 3 டீஸ்பூன்

செய்முறை:

• உப்பை சிறிதளவு நீரில் கரைத்துக் கொள்ளவும்.
• இந்நீரை ஓட்ஸ்ஸில் தெளித்து அவித்துக் கொள்ளவும். ஒரு வாணலியில் எண்ணெய் மற்றும் நெய் விட்டு அதில் வாசனைப் பொருட்களை சேர்த்து வறுக்கவும்.
• பின்னர் இஞ்சி விழுது சேர்த்து அது வதங்கியவுடன் தக்காளி, மிளகாய் தூள் மற்றும் புதினா சேர்த்து நன்கு வதக்கவும்.
• இதனுடன் பட்டாணி, கேரட், பீன்ஸ் சேர்த்து நன்கு வதக்கி அதனுடன் நீரும் உப்பும் சேர்த்து வேக விடவும்.
• கிரேவி கெட்டியாகும் வரை வதக்கி பின்னர் அவித்த ஓட்ஸை அதனுடன் சேர்த்து கிளறி இறக்கவும் கடைசியில் எலுமிச்சை சாறு சேர்த்து பரிமாறலாம்.
• சூடாக சாப்பிட மிகச் சுவையாக இருக்கும். டிபன் பாக்ஸிற்கு உகந்த பதார்த்தம் இது.

ஓட்ஸ் சப்பாத்தி

தேவையான பொருட்கள்:

ஓட்ஸ் - 250 கிராம்
கோதுமை மாவு - 250 கிராம்
உப்பு - சுவைக்கேற்ப
எண்ணெய் - சிறிதளவு
வெந்தயக் கீரை அல்லது கடைகளில் கிடைக்கும் மேத்தி இலை - ஒரு கைப்பிடி
மஞ்சள் தூள் - 1 ஸ்பூன்

செய்முறை:

• வாணலியில் சிறிதளவு எண்ணெய் விட்டு ஓட்ஸ்ஸை வறுத்து மிக்ஸியில் பொடியாக அரைத்துக் கொள்ளவும்.
• அரைத்த ஓட்ஸுடன் கோதுமை மாவு, மஞ்சள் தூள், அரிந்த வெந்தயக் கீரை மற்றும் உப்பு சேர்த்து சப்பாத்தி மாவு பதத்திற்கு பிசைந்துக் கொள்ளவும். பிசைந்த மாவை 2 மணிநேரம் ஊறவைத்து, பின்னர் சப்பாத்திகளாக தேய்த்து சுட்டெடுக்கவும்.
• ஓட்ஸ், கோதுமை, வெந்தயக் கீரை சேர்ந்த இந்த சப்பாத்தி மிகவும் சுவையாக இருக்கும். எந்தவிதமான குருமாவுடனும் இந்த சப்பாத்தி காம்பினேஷன் அருமையாக இருக்கும்.