കുറച്ചെങ്കിലും സ്വകാര്യത വേണ്ടതല്ലേ?

swakaaryatha

http://www.ekentech.com/privacy-policy/

सद्गुरु

അമ്പേഷി: സദ്‌ഗുരോ, ഏത്‌ തരത്തില്‍ ജീവിതം നയിക്കണമെന്ന്‍ അങ്ങ്‌ പറഞ്ഞുകൊടുക്കുന്ന ആ ചുരുക്കം ചിലരില്‍, ഞാനും ഒരാളാവാത്തത്‌ എന്തുകൊണ്ടാണ്‌?

Mother

സദ്‌ഗുരു: നിങ്ങള്‍ക്ക്‌ ഏറ്റവും നല്ലത്‌ എന്താണെന്നും, അതിന്‌ എന്ത്‌ ചെയ്യാന്‍ കഴിയുമെന്നുള്ളതിനും പല തരത്തിലുള്ള സൂചനകള്‍ ഞാന്‍ നല്‍കിയിട്ടുണ്ട്, എന്നാലും ഏതാനും ദിവസങ്ങള്‍ കഴിയുമ്പോള്‍ തിരിച്ചു വന്ന്‍ നിങ്ങള്‍ പറയും, “ഇതെനിക്കുള്ളതല്ല” എന്ന്‍. ഇത്തരത്തിലുള്ളവര്‍ക്ക് വേണ്ടി ‌ എനിക്കെന്തു ചെയ്യാന്‍ പറ്റും? ഒരു പരിധിക്കപ്പുറം ഞാന്‍ ഇടപെടാറില്ല, അത്‌ നിങ്ങളുടെ വ്യക്തിത്വം കൊണ്ടാണ്‌ എന്ന്‍ ധരിക്കരുത്‌. “ഞാന്‍” എന്നത്‌ മറന്നേക്കൂ. ഇപ്പോള്‍ ഇവിടെ നിങ്ങള്‍ ഇല്ല. നിങ്ങളുടെ സ്വത്വബോധം ഉറച്ചതല്ലാത്തതിനാല്‍ നിങ്ങള്‍ ഇല്ല. ഉള്ളത്‌, മനസ്സും വിചാരങ്ങളും വികാരങ്ങളും എല്ലാം കൂടിക്കുഴഞ്ഞു മറിഞ്ഞ ഒരു രൂപം മാത്രം. നിങ്ങള്‍ ചുമന്നുകൊണ്ടു നടക്കുന്ന എല്ലാ അസംബന്ധങ്ങളും ‘ഞാന്‍’ ആണെന്ന്‍ ധരിക്കാതിരിക്കുക.

നിങ്ങള്‍ ചുമന്നുകൊണ്ടു നടക്കുന്ന എല്ലാ അസംബന്ധങ്ങളും ‘ഞാന്‍’ ആണെന്ന്‍ ധരിക്കാതിരിക്കുക.

പ്രശ്‌നത്തിന്‍റെ കാതല്‍ അവിടെയാണ്‌. നിങ്ങളുടെ ചിന്തകളിലും വിചാരങ്ങളിലും നിങ്ങള്‍ സ്വയം ആരെന്ന്‍ കരുതുന്നുവോ, അത്‌ നിങ്ങള്‍ പുറമേനിന്ന്‍ ശേഖരിച്ചവതന്നെയാണ്‌. ഒരു സഹജീവിയോടെന്ന രീതിയിലല്ല ഞാന്‍ ഇപ്പോള്‍ നിങ്ങളോട്‌ സംസാരിക്കുന്നത്‌. ഒരു സഹജീവിയായി എന്നോടൊപ്പമുള്ള നിമിഷങ്ങളില്‍ പ്രശ്‌നങ്ങളുമില്ല. ആ നിമിഷങ്ങളില്‍ ഒന്നും പറയേണ്ട ആവശ്യം പോലുമില്ല. സംഭവിക്കേണ്ടത്‌ സംഭവിക്കേണ്ട രീതിയില്‍ സംഭവിച്ചുകൊള്ളും. അതേ സമയം, നിങ്ങള്‍ നിങ്ങളുടെ വിഴുപ്പുകെട്ടുമായി വന്നാല്‍ നിങ്ങളോട്‌ എന്തെങ്കിലുമൊക്കെ പറയേണ്ടിവരും, കാരണം നിങ്ങള്‍ തന്നെ ഒരു കുരുക്കായാണ് ഇവിടെ വരുന്നത്. അത്‌ വളരെ ശ്രദ്ധയോടെ കൈകാര്യം ചെയ്യേണ്ടതാണ്‌. എന്‍റെ ഭാഗത്തുനിന്ന്‍ തെറ്റായ ഒരു നീക്കമുണ്ടായാല്‍ നിങ്ങള്‍ എന്ന കുരുക്ക്‌ രക്ഷപ്പെട്ടുകളയും. നിങ്ങളുടെ സ്വത്വം ഇവിടെയിരിക്കാന്‍ മോഹിച്ചാലും, നിങ്ങള്‍ അകപ്പെട്ട കുരുക്ക്‌ – നിങ്ങളുടെ അഹന്ത – തനതായ പ്രശ്‌നങ്ങള്‍ കാരണം ഓടിപ്പോവാന്‍ വെമ്പും.

എത്രയോ ജന്മങ്ങളായി നിങ്ങളിലെ ജീവന്‍ ഇതിന്‌ വേണ്ടി കേഴുകയാണ്, ഇതുപോലെയുള്ള ഒരിടത്തു വന്നു ചേരാനായി. എന്‍റെ ചുറ്റിലുമുള്ള നിങ്ങളില്‍ പലരുടെയും കാര്യത്തില്‍ ഇതാണു സ്ഥിതി. എന്നിട്ടു പോലും, ചിലപ്പോള്‍ സ്വന്തം ചിന്തകള്‍കൊണ്ടും അഹന്തകൊണ്ടും നിങ്ങള്‍ തന്നെ ചെയ്യുന്ന പ്രവൃത്തികള്‍ നിങ്ങളെ ഇവിടെനിന്ന്‍ അകറ്റുന്നു. അതിനാല്‍ നിങ്ങളുടെ മനസ്സും ചിന്തകളും വികാരങ്ങളും ഉള്‍ക്കൊണ്ട ഒന്നിനെ നേരിടുമ്പോള്‍ അതിനെ വേണ്ട രീതിയില്‍ അതീവ ശ്രദ്ധയോടെ കൈകാര്യം ചെയ്യേണ്ടിയിരിക്കുന്നു.

‘ഞാനും’ `നിങ്ങളും’ ഒരു രീതിയിലും വ്യത്യസ്‌തമല്ല. അത്തരം നിമിഷങ്ങളില്‍, ഞാനും’ ‘നിങ്ങളും’ എന്ന വേര്‍തിരിവില്ലാതിരുന്ന നിമിഷങ്ങളില്‍ യാതൊരു പ്രശ്‌നങ്ങളുമുണ്ടാകില്ല. ഈ അവസ്ഥയെ വേണമെങ്കില്‍ ‘സാര്‍വത്രികം’ എന്നു പറയാം. അങ്ങിനെയുള്ള നിമിഷങ്ങളില്‍, സ്വകാര്യതയുടെ പ്രശ്‌നം ഉദിക്കുന്നില്ല, അപ്പോള്‍ നിങ്ങള്‍ക്കുവേണ്ടി എനിക്ക് എന്തു വേണമെങ്കിലും ചെയ്യാനാകും.

അന്വേഷി: എന്നാലും ജഗ്ഗീ, കുറച്ചു സ്വകാര്യത എല്ലാവര്‍ക്കും വേണ്ടേ?

സദ്‌ഗുരു: ശരിയാണ്‌, ശാരീരികമായ സ്വകാര്യത കുറെയൊക്കെ എല്ലാവര്‍ക്കും ആവശ്യമാണ്‌, എന്നാല്‍ സ്വകാര്യത എന്നതിനെക്കുറിച്ച്‌ പറയുമ്പോള്‍, നിങ്ങള്‍ എന്താണ്‌ അര്‍ത്ഥമാക്കുന്നത്‌? `സാര്‍വത്രികം’ എന്നാല്‍ അവിടെ എല്ലാ വസ്‌തുക്കളും എല്ലാവരും എന്നതിനു പകരം, നിങ്ങള്‍ മാത്രമേയുള്ളു. മറ്റൊരു രീതിയില്‍ പറഞ്ഞാല്‍ ഈ `നിങ്ങള്‍’ അവിടെയില്ല. രണ്ടു രീതിയിലാണ്‌ അതിനെ കാണേണ്ടത്‌. ഉത്തരവാദിത്വത്തിന്‍റെ പാതയില്‍ നിങ്ങള്‍ മാത്രമേയുളളു, സമര്‍പ്പണത്തിന്‍റെ പാതയില്‍ നിങ്ങള്‍ ഇല്ല. ‘നിങ്ങള്‍’ ഇല്ല എന്നാണെങ്കില്‍, സ്വകാര്യത എന്ന ചോദ്യം തന്നെ ഉദിക്കുന്നില്ലല്ലോ. നിങ്ങള്‍, അതായത്‌ നിങ്ങളുടെ ഭൌതിക ശരീരം മാത്രമേ സ്വകാര്യത ആഗ്രഹിക്കുന്നുള്ളു. അത്‌ വ്യത്യസ്‌തമാണ്‌.

എന്നാല്‍ ശാരീരികമായ ഈ സ്വകാര്യതയെക്കുറിച്ചുപോലും നിങ്ങള്‍ക്ക്‌ വികൃതമായ ചിന്തകളാണ്‌, അതായത്, സ്വന്തം ശരീരത്തിന്‍റെ ഇത്രമാത്രം കാണിക്കാം, അതിനപ്പുറം കടന്നാല്‍ പ്രശ്‌നമായിത്തീരും. ഇതിനെ സ്വകാര്യത എന്നു പറയുവാന്‍ കഴിയില്ല. നിങ്ങള്‍തന്നെയാണ്‌ ഈ അതിരുകള്‍ നിശ്ചയിച്ചിരിക്കുന്നത്‌. ‘ഇത്രയും എല്ലാവര്‍ക്കും’, ‘ബാക്കി സ്വന്തം,’ എന്നെല്ലാമുള്ള അതിരുകള്‍. ഈ അതിരുകള്‍ കാക്കാന്‍ നിങ്ങള്‍ ജീവന്‍ വേണമെങ്കിലും നല്‍കും, ശരിയല്ലേ? സ്വകാര്യതക്കുവേണ്ടി ജീവന്‍ ത്യജിച്ച സന്ദര്‍ഭങ്ങളുണ്ടായിട്ടുണ്ട്. ‌

ഉദാഹരണത്തിന്‌ നിങ്ങള്‍ ഒരാളുമായി പ്രണയത്തിലാവുമ്പോള്‍ ഒരു സ്വകാര്യതയുടെ ആവശ്യം ഒരിക്കലും തോന്നുകയില്ല. നിങ്ങളുടെ വസ്‌ത്രങ്ങള്‍ പോലും ഉപേക്ഷിക്കുവാന്‍ നിങ്ങള്‍ തയ്യാറാവും. സ്വകാര്യതയുടെ ആവശ്യം തന്നെയില്ല. പ്രണയിക്കുന്ന നിങ്ങള്‍ രണ്ടു പേരും ഒന്നാണ്‌ എന്ന ചിന്ത നിങ്ങളുടെ മനസ്സിലുണ്ടാവുന്നു. ഈ നിമിഷത്തില്‍ നിങ്ങളുടെ സാര്‍വത്രികത നിങ്ങള്‍ മനസ്സിലാക്കുന്നു എന്നിരിക്കട്ടെ, നിങ്ങള്‍ക്ക്‌ അത്തരം സന്ദര്‍ഭങ്ങളില്‍ സ്വകാര്യതയുടെ ആവശ്യാം തോന്നുന്നുണ്ടോ? ഇതൊരുദാഹരണം മാത്രമാണ്‌. നഗ്നനായി തെരുവില്‍ കൂടി സഞ്ചരിക്കുന്ന യോഗിക്ക്‌ തന്‍റെ നഗ്നത ഒരു പ്രശ്‌നമാവുന്നില്ല. എനിക്ക്‌ സ്വകാര്യത വേണമെന്നതിനാലല്ല ഞാന്‍ വസ്‌ത്രം ധരിച്ചിരിക്കുന്നത്‌, സ്വകാര്യത ആഗ്രഹിക്കുന്ന നിങ്ങള്‍ക്ക്‌ അത്‌ ദഹിക്കാന്‍ പ്രയാസമായതിനാലാണ്‌.

വാസ്‌തവത്തില്‍ സ്വകാര്യത ഒരു തടസ്സമാണ്‌, അതിന്‍റെ പേരില്‍ വിലമതിക്കാനാവാത്ത എല്ലാറ്റിനേയും നിങ്ങള്‍ നശിപ്പിക്കുന്നു

വസ്‌ത്രം ധരിക്കുകയോ ധരിക്കാതിരിക്കുകയോ എന്നത്‌ എനിക്കൊരു പ്രശ്‌നമല്ല, അത്‌ സന്ദര്‍ഭത്തിന്‍റെ അനിവാര്യതയാണ്‌. ധരിക്കുന്ന വസ്‌ത്രങ്ങളുടെ രീതിപോലും സന്ദര്‍ഭത്തിനനുസരിച്ചാണ്‌. ധരിക്കാതിരിക്കുക എന്ന പ്രശ്‌നമേ ഉദിക്കുന്നില്ല, കാരണം അപ്പോള്‍ എന്‍റെ നേരെ നോക്കാന്‍പോലും നിങ്ങളുടെ സ്വകാര്യത തടസ്സം നില്‍ക്കും. എന്നാല്‍ സ്‌നേഹം നിങ്ങളില്‍ ഉദിക്കുമ്പോള്‍ ഈ സ്വകാര്യതയുടെ ആവശ്യം ഇല്ലാതാവും. സ്‌നേഹം ഇല്ലാത്തതുകൊണ്ടാണ്‌ സ്വകാര്യത നിങ്ങളുടെ ജീവിതത്തില്‍ വലിയ ഒരു പ്രശ്‌നമാവുന്നത്‌. വാസ്‌തവത്തില്‍ സ്വകാര്യത ഒരു തടസ്സമാണ്‌, അതിന്‍റെ പേരില്‍ വിലമതിക്കാനാവാത്ത എല്ലാറ്റിനേയും നിങ്ങള്‍ നശിപ്പിക്കുന്നു. സ്വകാര്യത ആഗ്രഹിക്കുന്നത്‌, വേര്‍പിരിയാന്‍ ആഗ്രഹിക്കുന്നതുപോലെയാണ്‌. `സ്വകാര്യത, സ്വന്തം ഇടം’ എന്നെല്ലാം പറഞ്ഞ്‌ നിങ്ങള്‍ ഒരു മതില്‍ കെട്ടി ഉയര്‍ത്തുകയാണ്‌. അതാണ്‌ യാഥാര്‍ഥ്യം.

Photo credit to : http://www.ekentech.com/privacy-policy/




ബന്ധപ്പെട്ട പോസ്റ്റുകള്‍


Type in below box in English and press Convert